2Хаад 16
16
Иудаг Ахаз хаанчлав
(2Шс 28:1–27)
1Ремалиагийн хүү Пекагийн арван долдугаар онд Иудагийн хаан Иотамын хүү Ахаз хаан болов. 2Ахаз хаан болох үедээ хорин настай байсан бөгөөд Иерусалимд арван зургаан жил хаанчилжээ. Тэрээр Бурхан ЭЗЭНий мэлмийд зөв зүйтэйг үйлдсэнгүй, өвөг эцэг Давид шигээ байсангүй. 3Харин тэрээр Израилийн хаадын замаар замнасан төдийгүй, Израилийн хөвгүүдийн өмнөөс ЭЗЭНий хөөн гаргасан үндэстнүүдийн бузар заншлыг дуурайж хүүгээ гал дундуур явуулсан#16:3 Хүүгээ Молехт өргөн шатаасан гэсэн утгатай. ажээ.#Дх 12:31 4Тэрээр мөргөлийн өндөрлөг, толгод болон ногоон мод бүрийн доор утлага уугиулан тахил тахив.
5Тэгтэл Арамын хаан Резин, Ремалиагийн хүү Израилийн хаан Пека нар дайтахаар Иерусалим уруу иржээ. Тэд Ахазыг бүслэн авсан боловч дийлсэнгүй.#Иса 7:1 6Тэр үед Арамын хаан#16:6 ЭЗО-д Едомын хаан Резин, Елатыг Арамд буцаасан бөгөөд иудейчүүдийг бүгдийг нь Елатаас гаргасан билээ. Арамчууд Елатад ирж, энэ өдрийг хүртэл тэнд амьдарсан юм.
7Ингээд Ахаз, Ассирийн хаан Тиглат-пилесерт элч нар илгээн
—Би таны зарц бөгөөд таны хүү билээ. Ирж, миний эсрэг босож буй Арамын хаан болон Израилийн хааны гараас намайг аварч өгөөч гэж уламжлуулав. 8ЭЗЭНий өргөө болон хааны өргөөний эрдэнэсийн сангуудаас олдсон мөнгө ба алтыг Ахаз авч, Ассирийн хаанд бэлэг илгээв.
9Ассирийн хаан түүнийг сонссон бөгөөд Ассирийн хаан Дамаскийн эсрэг хөдөлж, түүнийг эзлээд, Резинийг алж мөн хүмүүсийг нь Кир уруу цөлжээ. 10Ахаз хаан Ассирийн хаан Тиглат-пилесерт бараалхахаар Дамаск уруу явж, Дамаск дахь тахилын ширээг харав. Ахаз хаан уг тахилын ширээний дүрслэл зураг болон хэв загварыг хийцийнх нь дагуу тахилч Уриад илгээв. 11Ингээд Ахаз хааны Дамаскаас илгээсэн бүхний дагуу тахилч Уриа уг тахилын ширээг бүтээв. Тахилч Уриа үүнийг Ахаз хааныг Дамаскаас буцаж ирэхээс өмнө хийв. 12Хаан, Дамаскаас буцаж ирээд, тахилын ширээг харжээ. Тэгээд хаан тахилын ширээнд ойртон очоод, дээр нь тахив. 13Тэрээр тахилын ширээн дээр өөрийн шатаалт тахил ба өөрийн идээн өргөлийг тахиж, өөрийн ундаан өргөлийг цутгаж, өөрийн эвийн тахилуудын цусыг түүнд цацав. 14ЭЗЭНий өмнө байдаг хүрэл тахилын ширээг тэрээр өргөөний урд талаас, тахилын ширээ ба ЭЗЭНий өргөөний хоорондоос авчирч, өөрийн тахилын ширээний хойд талд тавьжээ.#Гэт 27:1–2; 2Шс 4:1 15Тэгээд Ахаз хаан тахилч Уриад тушаан
—Өглөөний шатаалт тахил, үдшийн идээн өргөл, хааны шатаалт тахил болон түүний идээн өргөл, энэ газрын бүх ард түмний шатаалт тахил, идээн өргөл, ундаан өргөлүүд бүгдийг нь том тахилын ширээн дээр өргөж, шатаалт тахил болон нядлах тахилын бүх цусыг түүн уруу цац. Харин тахилын хүрэл ширээг би үзэх шинжихдээ зориулъя гэв. 16Ингээд тахилч Уриа, Ахаз хааны тушаасан бүгдийн дагуу биелүүлэв. 17Дараа нь Ахаз хаан тавиуруудын самбарыг салгаж, угаалгын савыг авав. Тэр бас хүрэл үхрүүдийн дээрээс тэнгисийг салган аваад, чулуун тавцан дээр тавив.#1Ха 7:23–39; 2Шс 4:2–6 18Өргөөн дотор тэдний барьсан Амралтын өдөрт зориулсан жим болон хааны гадна хаалгыг тэрээр Ассирийн хаанд зориулан ЭЗЭНий өргөөнөөс зайлуулав.#16:18 18-р эшлэл Еврейд нь тодорхой бус.
19Ахазын үйлдсэн бусад үйл хэрэг нь Иудагийн Хаадын шастир номд бичигдсэн бус уу? 20Ингээд Ахаз эцэг өвгөдийнхөө хамт нойрсон, Давидын хотод эцэг өвгөдийнхөө хамт тавигдаж, түүний хүү Хезекиа оронд нь хаанчлав. #Иса 14:28
Одоогоор Сонгогдсон:
2Хаад 16: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.