Pédáesh 6
6
Ensánay radkári
1Zeminay sará, mardom ke gésh bayán butant o janénchokkesha áwort, 2Hodáay mardénchokkána dist ke jenekk sharrang o zébá ant. Gorhá pa wat jenekesh gechéna kort o zort. 3Nun Hodáwandá gwasht: “Mani arwáh tán abad ensánay jesm o jáná namánit, chéá ke ensán merókén chizzé o cha yakk sad o bist sálá géshter omra nakant.”
4Á róchán o rand ham zeminay sará Nepilim#6:4 Nepilimay asligén máná zánaga nabit. Bázéné gwashit ke cha préshtagáni naslá, mazanjón o zórmand butagant. hastatant. Hodáay mardénchokk ke ensánáni jenekkáni kerrá shotant, é jenekkán chokka áwort. É chokk kwahnén zamánagay mazanmard o námdárén mardom atant.
5Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass. 6Hodáwand pashómán but ke man donyáyá ensán chéá jórh kort. Hodáwanday del sakk padard but. 7Gwashti: “Wati jórh kortagén ensáná cha zeminay sará gár o gomsára kanán. Mardomán, chárpádén haywánán, lápkasshén jánwarán o ásmánay báli morgán yakjáh gomsára kanán, chéá ke man cha esháni jórh kanagá padard án.” 8Bale Hodáwand cha Nuhá razá at.
Nuh
9Nuhay kessah chosh ent:
Nuh, wati dawr o bárigay mardománi nyámá pahrézkár o béaybén mardé at. Á Hodáay ráhá at. 10Nuh, say mardénchokkay pet at: Sám o Hám o Yápet.
11Nun Hodáay chammán zemin sell o cha sheddatá porr at. 12Hodáyá dist ke zemin sell butag, chéá ke donyáay sajjahén mardomán badén ráhé geptagat. 13Gorhá Hodáyá gón Nuhá gwasht: “Man sajjahén mardomán tabáha kanán, chéá ke hamesháni sawabá zemin cha sheddatá porr ent. Man, esháni jendá gón zeminá hór, gár o gomsára kanán. 14Cha góparay#6:14 Ebráni zobáná góparay labz kár bandag butag o kassa nazánt ke é kojám drachk ent. dárá pa wat mazanén bójigé#6:14 Bójig, bezán lánch, kashti. jórh kan. Bójig, tóká kóthi kóthi bebit. Bójigay dhanná o tóká gón dhámbará#6:14 Dhámbar syáhén o lechnákén ápénké. dón#6:14 Dónag, bezán chizzéá gón ápénkén chizzéá póshag, chó ke diwálá pa gela dónant. . 15Bójigá anchó addh kan ke drájiá say sad dast#6:15 Asligén Ebráni nebeshtánka gwashit drájiá 300 ammáh, práhiá 50 ammáh o borziá 30 ammáh. Ammáh yá dast, kesás ném mitar ent, dastay lankokán beger tánke mokká. bebit, práhiá panjáh dast o borziá si dast. 16Bójigay sará band, bale borzádi némagay chapp o chágerdá yakk dasté pach bell. Bójigay kashá darwázagé per kan. Bójigá say tabak kan: chéri, nyámi o borzi tabak. 17Man donyáyá anchén hár o tuppáné kárán ke ásmánay chéray sajjahén sahdára merant, har sahdár ke dama kasshit, bérána bit. Harché ke zeminay sará hast, sajjahéna merant. 18Bale man gón taw wati ahd o paymáná bandán. Taw bójigá swára bay; taw o tai bachakk o tai lógi o tai neshár. 19Cha sajjahén sahdárán yakk yakk jotké gón wat bójigá bar gón, naréné o mádagéné, ke wati hamráhiá zendagesh bedáray. 20Cha har tahray báli morg, har tahray chárpádén haywán, zeminay saray har tahray lápkasshén jánwarán, yakk yakk jotké tai kerrá kayt tánke é sajjahénán zendag bedáray. 21Har paymén warák o warden bezur gón. Ambáresh kan ke shomayg o haywánáni waragay kárá káyant.”
22Gorhá Nuhá hamé paymá kort. Harché ke Hodáyá gwashtagat, Nuhá kort.
Одоогоор Сонгогдсон:
Pédáesh 6: HPKB
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015-2022, Wycliffe Bible Translators, Inc. and the Balochi Bible Translation Team. All rights reserved.
