मर्कूस दी थेपकी कोर्ला
दी थेपकी कोर्ला
दी कोन्छ्योककी लेन ल्यामुला मर्कूसकी “दी ति कोन्छ्योककी सेवु येशू ख्रीष्टकी कोर्ला लेन ल्यामु यिन।” सिनी टिनी वे। दी लेन ल्यामुला येशूकी क्या नङ्गुप लाका ताङ ओङ्ज्येनकी कोर्ला टिनी वे। खो ओङ्ज्येन थोपुप मी यिन सिरुप ताम्ङे ति खोकी लाका नेसुर राङ हाक्कोकिवी। खोकी येन्देन नङ्गुप ताङ डेतिवा थेन्दुप ताङ मीतिवी दिक्पा पङ्गुप पेला “ङ मीतिवाला दिक्पा ने र्होकुपला ङरा मिजी तेरुपला वावु कोन्छ्योककी पुज्युङ यिन।” सिनी सुङ वे।
दी थेपला मर्कूसकी येशूकी नङ्गुप टोङ्गु ताङ येन्देनला सिनाङ खोकी क्या नङ्गुप लाकाकी कोर्ला मङ ल्यामु क्यानी टिनी वे। मर्कूसकी बप्तिस्मा तेरुप यूहन्ना ताङ येशूकी बप्तिस्मा लासिमा खो शैतानकी खोक्पा ल्हापला ख्येलुप कोर्ला चेयी सिक्यासिमा शार्क्येक येशूकी नेर्पुला टेक च्यितुप ताङ येन्देन तेरुपला लाका क्यावु कोर्ला सिक्या वे। तुजे ख्योयी डोप पेला खोकी लोमातिवी खोकी कोर्ला मङ ल्यामु हाक्कोवु छाल्सुङ। यिने खोकी तेन्दोकला लङ्गुपतिवी खोला मङ डला जोसुङ। दी थेपकी तिङ्माला येशूकी मिजीकी तिङ्मी दिन्जा ताङ खक्छ्येवुला खो ग्यङ्शिङला टुङ्गुप ताङ येलुङ खो ङोसु लावु कोर्ला टिनी वे।
मुला राङ वोतुप लोप्च्येनतिवा
लेन ल्यामु ख्याप्टाक कितुप गो चुवु १:१-१३
येशूकी गालीलला क्या नङ्गुप लाकातिवा १:१४–९:५०
येशू गालील नेज्युन यरूशलेम सेक फेपुप १०:१-५२
यरूशलेमला ख्योवु तिङ्मी दिन्जा ११:१–१५:४७
येशू टुङ्गुप ने ङोसु लावु १६:१-८
खो ङोसु लासिमा छ्यरुप ताङ देवाच्येन नेवा फेपुप १६:९-२०
Одоогоор Сонгогдсон:
मर्कूस दी थेपकी कोर्ला: xsrNT
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2014, Wycliffe Bible Translators, Inc. All rights reserved.