MATHIU AbEng jetthuk
AbEng jetthuk
Mathiu ma raangwah Nginkongsen pumma Jisu pa Joban ma Pângte kohmin ngama toamsem tahpa ngama thôkoh ehi, ngale ate junma Joban ma NiemPã thuwah mihnyan hehnâng toamsem tahpa toangtang dangkaera ngama thôkoh ehi. Are Nginkongsen pa Jisu hongchha lahma johsong johtongtah Jews mihnyan hehrãng lolo dangmah, rohkomin arepa hahtokkhoh phangtangrãng.
Mathiu nyapraang pa nyahrãng senthemthem phensiet lahma raangeka. Arepa Jisu chhat pumma bengraang lahma ate baptijem kepngin erediko ate hungtôan, ngale atema Galili nâng Joban ngin phoangthô, hethô, ngale khoanchet mesiet ngin heh raangeka. Erediko Nginkongsen pumma Jisu Galili wah Jeroselem nâng katngin hehmin raangeka, erediko athôan haptako chenni dangtah a ere hehmin raangeka ngale ritwah ngakhin lahma rangkho choangthôan nâng tongwãng eka ngin hehmin raangeka.
Are Nginkongsen pumma Jisu pa ahethôte adongthôan ngama jetthuk eka, ngale Atenâng Joban Niemarang heh litthôrãng chaanwin, erediko atema Joban Hahsông nginpa hethôehi. Atema hethôeka ngin heh wanbangâ korãng phakphen eka: (1) Hahhokho nâng Joban nginthô, erediko Rangkhethung Hahsông thinnâng sôngte heh jat apat ngin, thin moatlem, thin tông anye, ngale thin a athôanko chenroh dângmin a erengin heh raangeka. (Nyapkha 5-7); (2) Echhi wanii dijunte hehnâng thin moatlem hehrãngma hethô (Nyapkha 10); (3) Rangkhethung nginthakthô (Nyapkha 13); (4) Dijunte dângrãngma hethô (Nyapkha 18); ngale (5) athu hehwah rangkuh sanhathôan ngin heh hethô, ngale Joban Hahsông hokngin hehmin hethôeka (Nyapkha 24-25).
Arekowah heh aroh phenraang eka
Jisu Krista Te awa heh roandông nginkong, ngale Jisu Krista chhat nginkong (1.1-2.23)
Jon baptisma Joban moatlem moat nginkong (3.1-12)
Jisu baptijem kep nginkong, ngale ate hungtôan nginkong (3.13-4.11)
Jisu ma Galili wah mihnyan heh tânâng Joban moatlem moat nginkong (4.12—18.35)
Galili wah Jeroselem nâng kat nginkong (19.1-20.34)
Athôan haptako Jeroselem, ngale Jeroselem kêanâ nâng (21.1-27.66)
Teso ritwah ngakhîn ngale arit diko ngakhông kherit (28.1-20)
Одоогоор Сонгогдсон:
MATHIU AbEng jetthuk: NOKTBSI
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.