LITANGA 39-ын алдартай Библийн эшлэлүүд

Хуваалцах

Yahova yaali harara na Josefu kandi yamugasiza. Josefu yamenya munyumba yu munene weve Potifa

Potifa yavika vindu viosi mu vulindi vwa Josefu. Si yenya kumanya vindu yivi mba, nitali yenya kumanya vuzwa chukulia cha yaalia. Josefu yaali wi zinguru kandi wi ligondo lilahi ligali.

Hene yaho, mulindi winyumba ya vahambe, yakola Josefu kuva munene wa vahambe vandi vosi; kandi yamukola kuva nuvunyari ku kindu choosi chekoleka munyumba ya vahambe.

Yalaga Josefu agumilwi, ma avikwi mu vuhambe, havundu ha vahambe vandi vu mwami vavohelangwa. Navuzwa Yahova yaali harara na Josefu, kandi yamuyanza ligali, kandi namugasiza imbiri wu mulindi winyumba ya vahambe.

Inyima wi vindu yivi, mukali wa Potifa yaatanga kwegomba Josefu. Yavolera Josefu vave harara naye. Navuzwa Josefu yasura na muvooleraa, “Henza, munene wange siamanyi kindu choosi munyumba yeeye mba, kigira amali kokora inzi kuva nuvunyari ku vindu viosi munyumba yeeye. Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

Navuzwa lidiku lilala lwa Josefu yazia munyumba kokora miyinzi jije, si haali ho nu mundu kali mulala ku vatumikiri vumunyumba mba. Mukali uyu yagumira Josefu inguvu, namuvolera, “Hamba ove harara ninzi!” Navuzwa Josefu yiruka nazia ichova, naamulekera inguvu yeeye mu mukono gwigwe.