Matie 7-ын алдартай Библийн эшлэлүүд

Хуваалцах

Yezo apa ya: “Ĩ yɔ ye, wa Nzapa ahɛ̃ ĩ, ĩ gi ye, ko ĩ lua ni, ĩ gɔngɔ nyɔ ngise, wa Nzapa azi ni hɛ̃ ĩ.

Ta sanga ma, zo zu ko la ayɔ ye ko, Nzapa ahɛ̃ ni hɛ̃ lo, zo zu ko la agi ye ko, lo lua ni, ko zo zu ko la agɔngɔ nyɔ ngise ko, Nzapa azi ni hɛ̃ lo.

Yezo apa ya: “Nda mɛ zo zu ko la ndoma tɛnɛ tɛ mbi, ndoli nga tɛnɛ ni na seni ko, lo nga ma wa kɔdɛ mɛ awa da tɛ lo na ndo tɛnɛ la.

“Ye kwɛ zu mɛ ĩ ndoye ya, azi ali tɛrɛ ĩ ko, ĩ li nga bo gi tɛrɛ ye ni ko na tɛrɛ la, na lo mɛ ya, se mɛ ndia tɛ Mɔizɛ, nga na se mɛ buku tɛ awa pangɔ nyɔ Nzapa apa na ni la.”

Kanda nyɔ ngise ko la pitoto ko, adu kpengbani ya, zo aɔ ti da, ko lo lua bɛta du. Azi mɛ ndoɔ ti da ko, ta ala gba ma.”

Yezo apa ya: “Ale ĩ li ti nyɔ ngise mɛ pitoto! Ta sanga ma, nyɔ ngise ko la gbangabu ko, adu woni ya zo aɔ ti da, ko lo mu lege mɛ ndoto zo ka lifɛlo, ko azi gba la ndoɔ ti da.

Singa na ĩ mɛ asiɔ azi, ĩ ndohɛ̃ anzɔ̃ ye hɛ̃ aya ĩ, o singa na To ĩ mɛ ka yayu ma! Lo na hɛ̃ngɔ anzɔ̃ ye hɛ̃ azi ko la ndoyɔ ye ti lo!

Yezo apa ya: “Ta ĩ fa ngbanga tɛ afɔ̃ ĩ ma, so Nzapa afa nga ngbanga tɛ ĩ. Ta sanga ma, se ko la ĩ ndofa na ngbanga tɛ azi mɛ ndɛ̃ ko, se mɛ nga gbanda Nzapa afa na ngbanga tɛ ĩ la. Ko ye mɛ lo na hɛ̃ngɔ ĩ ko, lo na hangɔ na ye mɛ ndo ĩ hɛ̃ afɔ̃ ĩ.

Kanda zo zu ko la ama tɛnɛ mɛ mbi tɛnɛ, wa ta lo li ni na seni ma ko, lo nga ma wa buba mɛ awa da tɛ lo na ya butu.

Mɔ ndoba bo nyi sã pele mɛ ati lɛ nyita mɔ, wa ta mɔ ndohũ ponzo kɛkɛ mɛ ati lɛ mɔ ma ya nɛ? Mɔ mɛ ta mɔ ndohũ bɛ ponzo kɛkɛ mɛ ati lɛ mɔ ma ko, ta mɔ pa hɛ̃ nyita mɔ ya: ‘Zia mbi hã ponzo kɛkɛ ko lɛ mɔ, mbi zi ma.’

Yezo apa ya: “Ĩ du na kpengba lɛ na ndo awa pangɔ nyɔ Nzapa na nvɛnɛ. Ala ndoga ka tɛ ĩ nga ma angasã ngbaga, kanda ka ya bɛ la ko, ala nga ma azɛ̃. Ĩ hĩnga gbanda la na se lingɔ ye tɛ la. Ta andokɔ le ndimɔ ka li kɛkɛ nza ma. Ta andokɔ nga le avoka ka li mburu ma.

Nzɔ̃ kɛkɛ ndohɛ̃ nzɔ̃ le kɛkɛ, siɔ kɛkɛ ndohɛ̃ nga siɔ le kɛkɛ.

Ta nzɔ̃ kɛkɛ alengbi ti hɛ̃ngɔ siɔ le kɛkɛ ma, ko ta siɔ kɛkɛ alengbi nga ti hɛ̃ngɔ nzɔ̃ le kɛkɛ ma.

Kɛkɛ zu mɛ ta ndohɛ̃ nzɔ̃ le kɛkɛ ma ko, andofa ni abi ya wá agbi.