Luka 13-ын алдартай Библийн эшлэлүүд

Хуваалцах

“Muteemeho muno ohwiingirira mu mulyaango mudiiyu; olwohuba mbaboolera endi, abaandu baangi bachia ohuteemaho ohwiingira nae haba sibachia hunyala.

Mani mu bweene omwo, mwalimo omuhasi wuundi owali aliho esihyeeno syamulemya hulw'embaka y'emyaaka ehumi-na-kitaanu-na-kidatu; yali niyefuumbamo omukoongo, n'atanyala kata ohweema n'akololoohe. Yesu niyamubona ati, yamulaanga mani n'amuboolera ati, “Muhasiing'ene, omalire ohuwonisibwa obulema bwao.”

Yesu yamwiisaho amahono kae, mani abweene-na-bweene ao, omuhasi oyo yaakololoha, mani yachaaka ohufumia Nasaae.

Mani bone, aliwo abaandu bamaliirihayo bulaanu abachia ohutaangiramo, haandi aliwo abataangiramo bulaanu, abachia ohumaliirihayo.”

Mani omwenengo niyahasiingire, mani yekalawo olwiiki, muchia ohweema erwaanyi muchaake ohuhong'oonda hu lwiiki nimuboola muti, ‘Omwaami, twiikulireo.’ Nae achia ohubakobolamo ati, ‘Ese haba siimanyire yi mutula daawe.’

Mbaboolera endi, Haba daawe; nae nimuteeyolobya, mwesi muchia ohusihirira mutyo.”

Nae achia ohuboola ati, ‘Mbaboolera endi, ese haba siimanyire yi mutula daawe; mumbweere-eyi, eng'we mweesi abahola-mbi!’

Yesu yaboola ati, “Obwaami bwa Nasaae bufwaanana neende siina? Haandi ndabukerananie hu siina syeene? Bufwaanana neende olumwo lw'omutuumba lu muundu wuundi yabukula yacha yataaka mu ndalo yae; mani lweechula lwahula, lweehola omusaala muhoongo, mani amayoni kabburuha keecha koombaha ebiyu mu masaga kakwo.”