Mark 13-ын алдартай Библийн эшлэлүүд

Хуваалцах

Ŋwùə̀ ntsùmə̀ a ghǎ pàanə̀ a wɨghə mbə̀ʼə mə̀. La ŋònə̀ nɨ à təəmə̀nə ntɨ̀ŋnə̀ tə ngə̀ ndẅùunə̀ à ghǎ chwarə̀.”

Nɨ̀ nwuunə̀ a nɨ̀lyìinə̀ ntə mbyabə̀, mbə̀ʼnə ka nɨ̀ zhyə̂ a wɨghə nkwùə̀ ghu.

La nkwùə̀ ɨ̀tsùmə̀ nɨ pɨ kônə a wɨghə ndòo ntô amwuə korə̀, kò nɨ̀ pô a wɨghə lo nɨ̌ shwəŋə̀ lə̀ lo àkə apə̀. Nɨ̀ shwəŋə̀ ànwùə̀ nɨ Nẅùə̌ ŋâ ambo pɨghə nkwùə̀ ghu, ntiinə la ka a mə nshwəŋnə̀ e pɨghə, la a wə̀ nshwəŋnə̀ Àzhwùə̀ Nẅùə̀.

Lenəla, nɨ̀pwuurə̀ ghobə àtwuə̀ ɨ̀shyə̂ ghǎ lẅùutə̀, la ɨ̀shwəŋnə̀ ɨ̀pâ lẅùutə̀ e apə̀.”

“Ka ŋònə̀ ɨ̀tse tə farə pəngèrə̀ a nɨ̀pwuurə̀ pobə pɨ Moonə̀ Nẅùə̀ zhyə̂ a ghobə njyə̂ ghu kə̀ nkwùə̀ ghu, ndàŋə̀ e Tǎ nɨ a zhyə̂nə.

Nkwùə̀ nɨ nɨ̀ zuʼnə lo pɨ pə mmàʼà mɨ̀ntsòo, kə̀ ndzuʼù pànə̀ mə nshwəŋnə̀ mbə̀ʼə mɨ̀ntsòo, kò nɨ̀ pô a wɨghə. Pèrə pa ɨ̀nwùə̀ chyə̂ a nɨ furə̀ la ka a pə e lo ndẅùutə àtwuə̀ ɨ̀shyə̂ ɨ tô mə.

Nɨ̀ nwuunə̀ a nɨ̀lyìinə̀ mbyabə̀, ntiinə ka nɨ̀ zhyə̂ a wɨghə nkwùə̀ nɨ ngàŋə̀ ndâ à ghǎ kwə̂. A chyə̂ pə nkwùə̀ nkwə̌ kə̀ a ntɨ̀ŋnə̀ ɨ̀twuʼə̀, kə̀ a nkòʼò njyə̂, kə̀ a ngẅùʼə, mbə̀ʼə a pə la ngwùutə̀ ntô kò a tsirə̀ e a ghò wə̀ pə ndyə̂. Ànwùə̀ nɨ ngwə̀ nshwəŋə̀ ambo pɨghə la, ǹshwəŋə̀ la ambo ŋwùə̀ ntsùmə̀. Njiilo nɨ̀ nwuunə̀ a nɨ̀lyìinə̀.”

Mbə̀ʼnə àlaʼà a ghǎ zòŋnə̀ a zhyə̀ àlaʼà, ɨ̀fò pobə pə̀ənə̀ ɨ̀pe a lòo ndzòŋnə̀ a ẅùə̀ ɨ̀fò pobə pə̀ənə̀ ɨ̀pe, ɨ̀shyə̂ nə̀ʼnə̀ ɨlyiʼə pɨ̀noʼnə, lenəla, ndzàŋə̀ kwuunə̀ amwuə ɨ̀laʼà. Mèrə mə mɨ̀nwùə̀ ghǎ pə lə tsaʼa mbìʼnə àndzaŋə nkwùə̀ nɨ mə̀ngyə̌ à kòonə a moonə̀.

Lenəla, pɨ̂ zàamə̀ nchwìitə̀ ntwuumə̀ ghù ɨ̀shìʼnə̀ wa ambo ɨ̀laʼà ɨ̀tsùmə̀.

Pànə̀ pɨ̀noʼnə ghǎ tô aŋunə nɨ̀linə̀ ɨ̀tsâ nshwəŋə̀ lo, ‘Mɨ̀ŋə̌ ze!’ Lenəla, fɨ̀kə̀ pànə̀ pɨ̀noʼnə.

“Nɨ̀ zhìʼtə̀ a wɨghə ntiinə pɨ tô kô a wɨghə ŋŋâ ambo pɨ̀saʼà mɨ̀sàʼa pobə tə nkəʼə̀ a wɨghə amwuə mɨ̀ndâ mɨ àshwatə̀ ɨ̀mobə. Nɨ̌ ghə̀ təəmə̀ a mbyə̀ pɨ̀govɨnò pobə pɨ̀fò mbə̀ʼə mə̀ a nɨ tiitə̀ ntwuumə̀ ghù ɨ̀shìʼnə̀ wa ambo pobə.

Mbə̀ʼnə pɨ̀Kristù pɨ pɨ̀chwìrə̀ ghobə ngàŋə ntwuumə̀ Nẅùə̀ pɨ pɨ̀chwìrə̀ ghǎ furə̀, lenəla, nnèrə̀ ɨ̀lènə̀ ɨ̀nwùə̀ ghobə mɨ̀nwùə̀ mɨ kə̀ʼnə̀nə a nɨ ghɨ̀rə̀ pyə̀ pa nɨ Nẅùə̀ a tsoʼnə la lo pobə fàntə̀ àlàŋə.

“La, a gha pə amwuə mɨ̀njyə̂ mɨ̀ghu, nkwùə̀ nɨ ngəʼə̀ ghu ɨ làŋə̀ mə, ndzùmə ɨ̀ ghǎ nàanə̀ a nẅùumə̀, lenəla, ŋwɨgrə̀ a chi ntâ e apə̀, Pɨsaŋə tyiʼə̀ nfurə̀ a nɨ̀pwuurə̀ nkẅìnə̀ a ɨ̀shyə̂, Ɨ̀tɨ̀ŋnə̀ wa ɨ̀tsùmə̀ nɨ ɨ pənə a nɨ̀pwuurə̀ la ɨ nə̀ʼnə̀.