Lik 5-ын алдартай Библийн эшлэлүүд

Хуваалцах

Lè li fin pale, li di Simon konsa: — Vanse kannòt la plis nan fon. Jete senn ou pou peche.

Simon reponn li: — Mèt, nou pase tout nwit lan ap travay san nou pa pran anyen. Men, paske se ou ki di nou fè sa, nou pral lage senn lan. Yo lage senn lan. Yo pran yon kantite pwason. Tèlman pwason yo te anpil, senn lan t'ap chire.

Men, Jezi wete kò l, l'al yon kote ki pa gen moun menm, li t'ap lapriyè.

Enben, mwen pa vin rele moun ki konprann yo bon devan Bondye, men moun ki konnen se pechè yo ye dekwa pou yo ka tounen vin jwenn Bondye.

Lè Simon Pyè wè sa, li lage kò l nan pye Jezi, li di l konsa: — Mèt, pa rete kote mwen, paske mwen pa bon.

Jezi reponn yo: — Lè yon moun ansante, li pa bezwen dòktè. Se moun malad ki bezwen dòktè.

Yo mennen kannòt yo atè, yo kite tout bagay, y'ale avèk Jezi.

Pandan Jezi te nan yon lavil, yon nonm ki te kouvri ak lalèp vin rive. Lè l wè Jezi, li lage kò l fas atè, li di l konsa: — Mèt, si ou vle, ou ka geri mwen. Jezi lonje men l, li manyen nonm lan, li di l: — Wi, mwen vle ou geri. Menm lè a, lalèp la kite li.

Malgre sa, nouvèl la gaye pi plis. Moun t'ap vin an foul pou tande li, pou chache gerizon nan men li.