創世記 17-ын алдартай Библийн эшлэлүүд

Хуваалцах

亞伯蘭 九十九歲个時，上主向佢顯現，對佢講：「𠊎係全能个上帝。你愛在𠊎面前行事，做一個無好嫌个人。

對這下開始，你个名毋好再安到 亞伯蘭 ，愛喊做 亞伯拉罕 ，因為𠊎立你做盡多國家个阿爸。

「𠊎愛堅定𠊎㧯你並你世世代代子孫立个約，做永遠个約。𠊎愛做你㧯子子孫孫个上帝。

「𠊎㧯你立个約係恁樣：你愛做盡多國家个阿爸。

上帝講：「做毋得！若𡜵娘 莎拉 一定會為你𫱔一個孻仔，你愛㧯佢安名 以撒 。𠊎愛㧯佢並佢个子子孫孫堅定𠊎个約；這係永遠个約。

𠊎愛將你這下做旅客所住个地方，就係 迦南 全地，賜給你㧯你个後代，做永遠个產業；𠊎也愛做佢等个上帝。」

亞伯拉罕 就仆在地上偷笑，心肚講：「一百歲个老人家，敢還會𫱔？ 莎拉 已經九十歲，敢還會𫱔？」

上帝對 亞伯拉罕 講：「你毋好再喊若𡜵娘 莎萊 ；姖个名愛改做 莎拉 。

對這下開始，你等所有个細孻仔全部愛受割禮 ；這係𠊎㧯你等立約个證據。

總係𠊎愛㧯 以撒 堅定𠊎个約。到明年這時節， 莎拉 會𫱔 以撒 。」

你等世世代代个細孻仔，無論係自家𫱔个、抑係㧯外國人買來个奴僕，出世第八日，全部愛受割禮。 你等屋下每一個細孻仔愛受割禮；留在肉體上這個記號，表示𠊎㧯你等立永遠个約。