Библијата е живаПримерок

Библијата нѐ оспособува

Замисли си дека треба да се претставиш на некој од друга земја, кажувајќи му дека припаѓаш на група луѓе, чие име значи „дрдорци“. Тоа значи името „Пополука“ и е поврзано со домородните луѓе и јазикот на Веракруз, Мексико.

До денес, „Пополука“ сѐ уште се користи за да се опишат 35.500 луѓе во тој регион што го зборуваат тој јазик. Оние што го зборуваат, го нарекуваат „Нунтајаји“ - „Директен говор“.

Иако нунтајаји може да изгледа безначајно за тебе, оние што сега можат да го читаат или слушаат Новиот Завет на нивниот јазик, разбираат дека се важни за Оној што ги создал. Каролина е една од овие луѓе. Внука на преведувачот на Новиот Завет на пополука, Каролина е првата жена од Пополука која завршила факултет. Таа го посветила својот живот на споделување на Божјиот Збор на нејзиниот јазик и сега води тим што преведува 50 Псалми.

„Кога ја читаме Библијата на шпански, се чини дека е залудно потрошен напор. Но, кога го читаме на нашиот јазик, ни доаѓа до срцето. Тоа ги допира нашите срца - нѐ трогнува - затоа што навистина можеме да го разбереме“.

Каролина е активен дел од YouVersion заедницата и редовно ја користи апликацијата „Библија“ од YouVersion за да го проучува Божјиот Збор на нунтајаји јазикот.

„Многу сме среќни што ги ставивте нашите зборови во вашата апликација, затоа што сега секој во светот може да го види. Нашиот јазик е таму заедно со други добро-познати јазици! Честопати нашиот јазик не се гледа како ценет, но во оваа апликација, можеме да видиме дека нашиот јазик е високо ценет.“

Денеска, одвој момент да му заблагодариш на Бога што ја имаш Библијата на твојот јазик. Фала му на Бога за Каролина и илјадници други преведувачи на Библии што работат денес низ целиот свет. Поради нивната верност и страст, Божјиот Збор продолжува да се шири низ секоја област на земјата, преобразувајќи ги идентитетите на луѓето што ја слушаат и ја разбираат.