Псалми 80:1-7
Псалми 80:1-7 Свето Писмо: Стандардна Библија 2006 (66 книги) (MK2006)
Пастиру Израелов, послушај! Ти, Кој го водиш Јосиф како стадо, Кој седиш на херувимите, заблескај! Пред Ефрем, Венијамин и Манасија издигни ја силата Своја и дојди да нѐ спасиш. Боже, поврати нѐ; нека светне лицето Твое, и ние ќе се спасиме! Господи, Боже на силите, до кога ќе бидеш гневен на молитвата од слугите Твои? Ќе ги храниш ли со леб од солзи, и напојуваш со солзи изобилно? Нѐ направи показ за кавги меѓу нашите соседи, и нашите непријатели ни се смеат. Господи, Боже на силите, поврати нѐ! Нека светне лицето Твое, и ние ќе се спасиме!
Псалми 80:1-7 Библија: Стариот и Новиот Завет, Константинов (MKB)
Израелев Пастиру, послушај, Ти што го водиш Јосифа, како стадо овци! Ти што седиш над херувите, заблескај. Пред Ефрема, Венијамина и Манасија: разбуди ја Својата сила, дојди ни напомош! Боже, обнови нѐ, разведри го Своето лице и спаси нѐ! Господи, Боже над Воинствата, до кога ќе пламнуваш, иако Твојот народ се моли? До кога ќе нѐ храниш со лебот на солзите, и ќе нѐ напојуваш изобилно со солзи? До кога нашите соседи ќе се препираат за нас, и ќе ни се ругаат нашите непријатели? Боже над Воинствата, обнови нѐ, разведри го Своето лице и спаси нѐ!