ПСАЛМИ 80:1-7

Израелев Пастиру, послушај, Ти што го водиш Јосифа, како стадо овци! Ти што седиш над херувите, заблескај. Пред Ефрема, Венијамина и Манасија: разбуди ја Својата сила, дојди ни напомош! Боже, обнови нѐ, разведри го Своето лице и спаси нѐ! Господи, Боже над Воинствата, до кога ќе пламнуваш, иако Твојот народ се моли? До кога ќе нѐ храниш со лебот на солзите, и ќе нѐ напојуваш изобилно со солзи? До кога нашите соседи ќе се препираат за нас, и ќе ни се ругаат нашите непријатели? Боже над Воинствата, обнови нѐ, разведри го Своето лице и спаси нѐ!