Псалми 22:2-8
Псалми 22:2-8 Свето Писмо: Стандардна Библија 2006 (66 книги) (MK2006)
Боже мој! Те призивам дење – и Ти не слушаш, и ноќе – и нема мир за мене. Сепак, Ти си свет, опкружен со пофалби од Израел. На Тебе се надеваа татковците наши; се надеваа и Ти ги избави; кон Тебе викаа, и се спасуваа; на Тебе се надеваа, и не се посрамија. А јас сум црв, а не човек, потсмев за луѓето и презир во народот. Сите, што ме гледаат, ми се подбиваат; нишајќи ги главите, велат: „Тој се надеваше на Господ, нека го избави, нека го спаси, ако Му е угоден!“
Псалми 22:2-8 Библија: Стариот и Новиот Завет, Константинов (MKB)
Боже мој, викам дење, но не одговараш; и ноќе но немам мир. Но Ти си Свет, Надеж Израелева! Нашите татковци се надеваа на Тебе, се надеваа и Ти ги избави; кон Тебе викаа и се спасуваа, на Тебе се надеваа и не се засрамија. А јас сум црв, а не човек, срам за луѓето и презрен од народот. Сите што ме гледаат, ми се потсмеваат, ги растегат усните, мавтаат со главата и велат: „Тој се надева на Господа, нека го избави; нека го спаси, ако го милува!“