Левитска 5:4-6
Левитска 5:4-6 Свето Писмо: Стандардна Библија 2006 (66 книги) (MK2006)
А ако некој неразумно се заколне со устата своја дека ќе направи нешто лошо, или добро, а за која и да било работа, како што го прават тоа луѓето без размислување, а не е свесен за тоа, но потоа кога дознае, виновен ќе биде. Кога, пак, некој е виновен за некоја од овие работи и ќе го признае гревот свој, нека Му принесе на Господ за гревот, што го направил – женско од ситниот добиток: овца или коза од стадото свое за гревот; и свештеникот ќе го ослободи од гревот негов.
Левитска 5:4-6 Библија: Стариот и Новиот Завет, Константинов (MKB)
Натаму, ако некој непромислено изусти заклетва на добро или зло - на што веќе човекот се заколнува непромислено - и не е свесен за тоа, тогаш, кога ќе дознае, станува виновен; и така ако некој стане виновен во што и да е од тоа, нека се исповеда за вината и нека Му принесе на Господа за својот грев, што го сторил, жртва за престап: едно женско од ситниот добиток, јагне или јаре, за грев, и свештеникот ќе направи да биде покриен неговиот грев.’