Создавање 39:2-6
Создавање 39:2-6 Свето Писмо: Стандардна Библија 2006 (66 книги) (MK2006)
И Господ беше со Јосиф, та затоа беше среќен, и живееше во куќата од господарот свој, Египќанецот. И господарот негов виде дека е Господ со него и дека сѐ што работеше тој, Господ правеше да успева во рацете негови. И Јосиф се здоби со милост кај него, и му служеше. Тој го постави над целиот свој дом, и сѐ што имаше, го предаде во рацете негови. А кога го постави над домот свој и над сѐ што имаше, оттогаш Господ го благослови домот на Египќанецот заради Јосиф; и благословот Господов беше над сѐ, што имаше во домот свој и во полето. И остави во Јосифовите раце сѐ што имаше, и не се грижеше веќе за друго, освен за лебот што го јадеше. А Јосиф беше со стројна става и со убаво лице.
Создавање 39:2-6 Библија: Стариот и Новиот Завет, Константинов (MKB)
Господ беше со Јосифа, затоа имаше успех во сѐ: Египетецот го зеде при себе, во куќата. Неговиот господар виде дека е Господ со него и дека му дава успех во сѐ што неговата рака презема; тој го засака и го зеде дворјанец, и го постави за управител на својот дом и му го довери сиот свој имот. А откако го постави над домот свој и над сѐ што имаше, Господ го благослови домот на Египетецот заради Јосифа: Господовиот благослов беше на сѐ што имаше - во куќата и во полето. И така сѐ свое ѝ отстапи на Јосифовата грижа, па повеќе не се грижеше за ништо, освен за лебот што го јадеше. А Јосиф беше со складна става и убав.