Повторени закони 34:1-4
Повторени закони 34:1-4 Свето Писмо: Стандардна Библија 2006 (66 книги) (MK2006)
Тогаш Мојсеј се искачи од рамнините моавски на планината Нево, на врвот Фазга, спроти Ерихон, и Господ му ја покажа целата земја од Галаад сѐ до Дан, и целата земја Нефталимова, и целата земја Ефремова и Манасиева, и целата земја Јудина, дури до Западното Море, и регионот на Негев, и рамнината околу Ерихон, град на палми, дури до Сигор. И му рече Господ: „Ете ја земјата, за која им се заколнав на Авраам, на Исак, и на Јаков, велејќи: ‚На вашето семе ќе им ја дадам‘; дадов да ја видиш со очите твои, но ти таму нема да појдеш.“
Повторени закони 34:1-4 Библија: Стариот и Новиот Завет, Константинов (MKB)
Потоа Мојсеј отиде од Моавските полиња на гората Нево, на врвот Фазга, спроти Ерихон, каде што Господ му ја покажа целата земја: од Галад до Дан, сиот Нефталим, Ефремов и Мансиев крај, сета Јудина покраина до Западното Море; потоа Негев, подрачјето на Ерихонската Долина - Градот на палмите - до Сигор. Потоа Господ му рече: „Ова е земјата за која им се заколнав на Авраам, Исак и Јаков дека ќе му ја дадам на твоето потомство. Дозволив да ја видиш со своите очи, но ти нема да поминеш онаму.“