S. Mat 4
4
Krie IV.
1Aχiérra Dz̆esúi kle kjéχtur𝑒 ka Špirti te diserti, sâ t’ is̆ kseválur𝑒 ka diâγi.
2E posa ts̆𝑒 argj𝑒rói dizeditt𝑒, e dizet𝑒 natt𝑒, prâ ndíeiti ûr.
3E si u‐kjas aí ts̆𝑒 kseval𝑒, θa atîγj𝑒: N𝑒 ti jê bîr i Perindîs𝑒, θúaχj sâ kta gur𝑒 t𝑒 búnen𝑒 buk𝑒.
4E aí u‐p𝑒rgjekj𝑒, e i θa: Kle s̆krúar𝑒: Jo me buk𝑒 vet𝑒m njeríu kâ t𝑒 rronj𝑒, se po me ngâ fjal𝑒, ts̆𝑒 del ka goja e Per𝑒ndîs.
5Aχiérna diâγi e mori e e kjeγi te χora s̆éite, e e vuri mbi p𝑒s̆trimin e klís̆𝑒s𝑒,
6E θa atîγj𝑒: N𝑒 jê bîr i Per𝑒ndîs𝑒, s̆tieu pos̆t𝑒. P𝑒rts̆é kle s̆krúar𝑒: Se kat’ urδuronj𝑒 éngj𝑒j𝑒vet atîγj𝑒 p𝑒r tîj, e atá kat𝑒 t𝑒 márrj𝑒n𝑒 mb𝑒 dúar𝑒, sât𝑒 mos piékks̆𝑒 kûrr𝑒 k𝑒mb𝑒n t𝑒nde mb𝑒 gûr.
7I θa atîγj𝑒 Dz̆esúi: Pameta kle s̆krúar𝑒: Ng𝑒 kat𝑒 ksevals̆𝑒 T𝑒nzon𝑒 Per𝑒ndîn t𝑒nt𝑒.
8Pameta diâγi mori e kjeγi até te nj𝑒 mal i lart𝑒 s̆um𝑒: e i d𝑒ftói gjiθ𝑒 mbretrît’ e jét𝑒s𝑒, e ndêr𝑒n e tire,
9E i θa atîγj𝑒: T𝑒 jap𝑒 γjiθ𝑒 k𝑒tó s̆𝑒rbise, n𝑒 ti râr𝑒 m𝑒 proskjinis𝑒s̆.
10Aχiérra i θot𝑒 Dz̆esúi atîγj𝑒: Ndrekju, Satanás: se kle s̆krúar𝑒: Kat𝑒 proskjinis𝑒s̆ T𝑒nzon𝑒 Per𝑒ndîn t𝑒nt𝑒, e até vet𝑒m kat𝑒 s̆erbés̆.
11Aχiérra e lê diâγi: e s̆i éngj𝑒j𝑒t’ i u‐kjas𝑒n, e e s̆erbéij𝑒n.
12Si gjegji prân Dz̆esúi se Dz̆uáni kle z𝑒nn𝑒, u‐prúar𝑒 nd𝑒 Galilê:
13E si la Nádzaret, jerδi, e mbeti nd𝑒 Kapernaúm, ts̆𝑒 is̆t afr𝑒 déitit𝑒, te gjitonía e Dzabulónit𝑒, e Neftalímit𝑒:
14Sât𝑒 b𝑒nej plot𝑒 e θ𝑒na e Isaîs𝑒 profétit𝑒, ts̆𝑒 θot𝑒:
15Δeu i Dzabulónit𝑒, e δeu i Neftalímit𝑒, δrom𝑒 déiti mbatan𝑒 Dz̆urdánit𝑒, Galiléa e gjíndevet,
16Pópuγi ts̆𝑒 ujej nd’ err𝑒sî, pâ nj𝑒 drit𝑒 e maδe: e atíreve ts̆𝑒 rrîj𝑒n újur𝑒 nd𝑒 χor𝑒 eδé nd𝑒 χjê mórtie, i leu drita.
17Ts̆𝑒 aχiérra zû Dz̆esúi t𝑒 ligj𝑒roγj𝑒, e t𝑒 θos̆𝑒: Buni pendes𝑒: se u‐kjas𝑒 mbretría e kjíeγiavet.
18Dz̆esúi prân si vêγj𝑒 tue jétsur𝑒 r𝑒z𝑒 déj𝑒tit𝑒 Galilês, pâ dî vγez𝑒r, Simunin, ts̆𝑒 θritej Piétr𝑒, e Ndrits𝑒n t𝑒 vγáin e tîγj𝑒, ts̆𝑒 s̆tîj𝑒n rrit𝑒n te déj𝑒ti (se is̆𝑒n piskatur𝑒),
19E i θot atíreve: Éjani pas meje, e kat𝑒 ju b𝑒nj𝑒 t𝑒 búniχj𝑒 piskatur𝑒 njérzis̆𝑒.
20E atá njize njize, t𝑒 l𝑒n𝑒t rrít𝑒t𝑒, van𝑒 pas atîγj𝑒.
21E si vêγj𝑒 mê atéi, pâ njatr𝑒 dî vγez𝑒r, Jáp𝑒kun e Dzebeδéut𝑒, e Dz̆uánin t𝑒 vγáin e tîγj𝑒, te karava me Dzebeδéun t𝑒 jatin e tire, ts̆𝑒 arnóij𝑒n rrít𝑒t’ e tire: e i θriti.
22E atá njize njize, lan𝑒 karav𝑒n e t𝑒 jatin e tire, e van𝑒 pas atîγj𝑒.
23E rráχ𝑒j𝑒 Dz̆esúi gjiθ𝑒 Galiléen, tuk’ e mpsúar𝑒 te sinagóg𝑒t’ e tire, e tue ligj𝑒rúar𝑒 vangjejin e mbretrîs, e tue s̆𝑒rúar𝑒 gjiθ𝑒 s𝑒múnd𝑒t𝑒, e gjiθ𝑒 kurrúsm𝑒t𝑒 te gjíndia.
24E vate ém𝑒ri i tîγj𝑒 te gjiθ𝑒 Síria, e i prûn atîγj𝑒 gjiθ atá ts̆𝑒 is̆𝑒n kekj𝑒, eδé vasanísur𝑒 me s𝑒munda disâ γojês̆𝑒, e atá ts̆𝑒 kis̆𝑒n t𝑒 maχkúamit𝑒, e atá ts̆𝑒 i zêγj𝑒 χ𝑒na, e t𝑒 njómurit𝑒, e i s̆𝑒rói:
25E véij𝑒n pas atîγj𝑒 njérzit𝑒 goδ𝑒 goδ𝑒 ka Galiléa, ka Dekápoli, ka Dz̆erusalemmi, ka Dz̆uδéa, eδé ka mbatan𝑒 Dz̆urdánit𝑒.
Селектирано:
S. Mat 4: AAE1868
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Përktheu nga greqishtja 1868.