लूका 5
5
पेलै चेले नै बुलाणो
(मत्ती 4:18-22; मरकुस 1:16-20)
1एक दिन यीसू गनेसरत नाम गी झील गै किनारै पर परमेसर गो बचन सुणावै हा तो बिंगै च्यारूंमेर भोत सारा लोग भेळा हो'ग्या। 2बिं टेम बण बठै दो किस्ती खड़ी देखी अर बांगै कनै मछुआरा जाळ साफ कर'गे पळेटण लागरया। 3बामूं एक किस्ती समौन नाम गै आदमी गी ही, बिं पर चढ'गे यीसू केयो, “किस्ती थोड़ी सी दूर डूंगै पाणी में कर ले।” फेर बो लोगां नै आपगा परबचन सुणाण लागग्यो। 4जद यीसू आपगा परबचन सुणा दिया तो समौन#5:4 समौन: इंगो दूसरो नाम पतरस हो। नै केयो, “किस्ती नै ओर डूंगै पाणी में ले जा'गे मछली पकड़ण खातर जाळ गेर।” 5जद समौन केयो, “हे गुरूजी, म्हे सारी रात गा मेनत करण लागरया हां, अजे तांई एक ई मछली कोनी पकड़ी, थे केवो तो एक बारी ओर जाळ गेरूं।” 6जद बां जाळ गेरयो तो इती मछलियां फसगी कै बांगो जाळ टूटण लागग्यो। 7तो बां दूसरी किस्ती पर बेठया आपगै साथियां नै हेलो मारयो कै म्हारी मदद करो। बे भाजगे आया बां दोनूं किस्तियां इती भरली कै बे मछलियां गै भार ऊं डूबण लागगी। 8-10इती मछलियां नै देखगे बिंगा साथी जब्दी गो बेटो याकूब, यूहना अर सारा साथियां नै भोत हेरानी होई। जद समौन पतरस यीसू गै पगां पड़'गे बोल्यो, “हे प्रभु, तूं अठुं उड़ज्या, क्यूंकै मैं एक पापी आदमी हूं अर थारै लायक कोनी।” यीसू बिनै केयो, “डर ना आज ऊं तूं लोगां नै परमेसर गो बचन सुणागे भगती गै रा पर ल्यासी।” 11फेर बे आपगी किस्ती किनारै पर ल्याया अर सारो कीं छोड़गे यीसू गै लारै हो'ग्या।
कोढ गै रोगी नै ठीक करणो
(मत्ती 8:1-4; मरकुस 1:40-45)
12जद यीसू किसैई गामै गेयो तो बठै बानै देखगे एक कोढ गो रोगी#5:12 कोढी लोगां कनै जाण खातर सादा आदमियां पर बंधण हो, अर यीसू ईं बात गी परवा कोनी करतो हो। आयो अर पगां पड़'गे बिनती करण लागग्यो कै, “हे प्रभु थे चाओ तो मनै ठीक कर सको।” 13बण बिंगै हात लगागे केयो, “मैं चाऊं तूं ठीक होज्या” अर बो बिं घड़ी ठीक हो'ग्यो। 14अर यीसू बिनै केयो, “आ बात किनैई ना बताई” अर मूसा गै बणाएड़ै नेम विधान गै हिसाब ऊं याजक नै दिखा अर भेंट चढा। जिंऊं लोगां नै पतो चालै कै तूं सच्च में ठीक हो'ग्यो है। 15पण यीसू गी चरचा सारै फेलगी अर लोग बीमारियां ऊं ठीक होण खातर बिंगै कनै भेळा होण लागग्या। 16पण बो रेगीस्तान में जा'गे पराथना करतो हो।
लकवै गै रोगी नै ठीक करणो
(मत्ती 9:1-8; मरकुस 2:1-12)
17इंया होयो कै एक दिन यीसू किंगैई घर में परबचन करण लागरयो अर बो लोगां नै बीमारियां ऊं ठीक करण खातर प्रभु गै सामरथ में पूर्ण हो। बठै लोगां गी मोटी भीड़ में फरीसी अर यहुदी धरम सासतरी लोग#5:17 यहुदी धरम सासतरी: सासतर गा जाणकार अर नेम-विधान सिखानाळा। बी बेठया हा, झिका गलील अर यहुदियां गै हर गाम ऊं अर यरुसलेम ऊं आएड़ा हा। 18बिं टेम केई आदमी लकवै गै एक रोगी नै मांची पर सुणागे ल्याया बे बिनै यीसू गै कनै ले जाण खातर कोई चारो ढूंढै हा। क्यूंकै मा बारै भोत भीड़ ही। 19पण बे बोळी भीड़ गै कारण मा कोनी जा सक्या, ईंखातर बे बिनै छत पर लेग्या अर खपरेल हटागे सणै माची बिनै यीसू गै सांमै नीचै उतार दियो। 20बण बां लोगां गो बिस्वास देख गे रोगी नै केयो, “जा बेटा, तेरा पाप माफ हो'ग्या।” 21जद यहुदी सासतरी अर फरीसी आपसरी में गुसर फूसर करण लाग'ग्या कै “ओ कुण है झिको परमेसर गी निंदा करै? परमेसर गै बिना ओर कुण है झिको पाप माफ कर सकै?” 22यीसू बांगै मन गी बात जाणग्यो अर केयो, “थे आपगै मन में इंया क्यामी सोचो? 23सोरो है के, इंया केणो कै तेरा पाप माफ हो'ग्या या इंया केणो कै उठ अर आपगी मांची चक'गे चाल। 24थे ओ जाणल्यो कै मिनख गै बेटै नै धरती पर पाप माफ करण गो बी अधिकार है।” बण केयो, “मैं तनै केऊं कै खड़यो हो, अर आपगी मांची चक'गे घरे चाल।” 25बो दबादब उठयो अर आपगी मांची चक'गे परमेसर गी बडाई करतो आपगै घर कानी चाल पड़यो। 26जद सारा देखगे हेरान हो'ग्या अर परमेसर गी बडाई करण लागग्या। बां डरता केयो, “म्हे आज अनोखी बात देखी है।”
लेवी चेलै नै बुलाणो
(मत्ती 9:9-13; मरकुस 2:13-17)
27इंगै बाद में यीसू नगर ऊं बारै आयो तो बण लेवी #5:27 लेवी: बो आदमी झिको धारमिक कामां में याजकां गी मदद करतो।नाम गो आदमी झिको चुंगी लेंतो, बिनै चुंगी गी चोकी पर बेठयो देख्यो अर बिनै केयो, “मेरै लारै आ'ज्या अर मेरो चेलो बण ज्या।” 28बो सारो कीं छोड़गे बिंगै लारै हो'ग्यो। 29फेर लेवी यीसू गै खातर आपगै घरे मोटो भोज राख्यो, झिकै में चुंगी लेण आळा गी अर दूसरै लोगां गी मोटी भीड़ बिंगै सागै भोजन करण लागरी ही। 30जद फरीसी अर बांगा सासतरी बिंगै चेला पर रीस बळण लागग्या कै “थे चुंगी लेण आळा अर पापी लोगां#5:30 चुंगी लेण आळा अर पापियां सागै खाणो-पीणो: बिं टेम में आं लोगां नै दुस्ट अर भ्रस्ट समझता हा। सागै क्यूं खाओ पीयो हो?” 31यीसू बानै जबाब दियो, “चंगा-भलां नै बेद गी जरूरत कोनी होवै, रोगियां नै होवै है। 32मैं पापियां गो मन बदळण खातर आयो हूं धरमियां गो कोनी।”
बरत गै बारै में
(मत्ती 9:14-17; मरकुस 2:18-22)
33बां बिनै केयो, “यूहना अर फरीसियां गा चेला तो बरत राखै अर पराथना#5:33 पराथना: परमेसर गै सागै बात चीत, बिनती, दुआ करै है पण थारा चेला तो हरदम खांता-पींता रेवै है।” 34यीसू बानै केयो, “थे बीन गै सागै होवंता बरातियां नै बरत रखा सको के? 35पण बिं दिन जद बीन नै बिंगा दुसमण बरातियां ऊं न्यारो कर देसी तो जद बे बरत राखैगा।” 36बण बानै एक मिसाल बताई, “कोई आदमी नूंअ कपडै़ गी कारी पाड़गे, पुराणै कपड़ै पर कोनी लगावै, क्यूंकै नूंओ कपड़ो भेळो होगे पाट ज्यैगो अर पुराणै कपड़ै सागै मेळ कोनी खावैगो। 37अर कोई नूंओ दाख गो रस#5:37 दाखरस: अंगूरां गो रस, झिको पीण गै काम आतों। पुराणै चमड़ै गी दीवड़ी में कोनी घालै, जे घाल सी तो दाख गो रस चमड़ै गी दीवड़ी नै पाड़ देसी अर ढूळज्यैगो अर सागै चमड़ै गी दीवड़ी बी खतम हो'ज्यैगी। 38ईंखातर नूंओ दाख गो रस नूंई चमड़ै गी दीवड़ी में ई घालणो चईयै। 39कोई आदमी पुराणो दाख गो रस पीगे नूंओ कोनी मांगै, क्यूंकै बो केसी पुराणो ई ठीक है।”
Селектирано:
लूका 5: BGQ
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2023 (Active), Wycliffe Bible Translators, Inc. All rights reserved. © WIn Publishing Trust