लूका 17
17
पाप गो कारण
(मत्ती 18:6,7; 2:22; मरकुस 9:42)
1एक दिन यीसू आपगै चेला नै केयो कै, “लोगां नै पाप में गिराणआळी चीज तो संसार होवै ई है पण बां लोगां गै सागै भोत बुरो होवैगो झिका थानै पाप में रेड़ै। 2अर झिका मेरै पर बिस्वास करण में कमजोर है बानै पाप में रेड़ण आळा माणसां गै गळ में चकी गो पाट बांदगे पाणी में रेड़ देण गी सजा इती बुरी कोनी हो'सी जिती परमेसर गी ओर ऊं मिलण आळी है। ईंखातर सावधान रेओ। 3जे तेरो भाई पाप करै तो बिनै तूं समझा अर जे बो कर'गे पछतावो करै बिनै माफ कर दे। 4जे बो दिन में भलांई सात बारी पाप करै अर सातूं बारी तेरै कनै आ'गे माफी मांगतो रेवै तो तूं बिनै माफ करतो रेई।”
पक्को बिस्वास
5जद चेला केयो, “प्रभु म्हारो बिस्वास पक्को करण खातर म्हारी मदद करो।” 6यीसू बानै केयो, “जे थारै में राई गै दाणै जितो'ई परमेसर पर बिस्वास होंतो अर थे ईं सेतूत गै दरखत नै केंता कै समुंदर में जा'गे लागज्या तो ओ थारो केणो मान लेंतो।”
एक दास गो फरज
7फेर यीसू बोल्यो, “कोई आदमी हो झिकै गो सीरी खेत में हळ बावंतो होवै या भेड़ां चरांतो होवै अर जद बो घरे आ'ज्यै तो बिंगो मालिक बिनै इंया कोनी केसी तूं पेलां रोटी खा'ले। 8पण बो आंता ई इंया केवैगो पेलां न्हा'ले अर मेरै खातर रोटी तैयार कर अर जद तांई मैं ना जीमूं जद तांई मेरी सेवा करतो रेई। अर मेरै बाद में तूं जीम लेई। 9थे बताओ बो मालिक आपगै नोकर गो हेसान मानैगो के? जरूर कोनी मांनै। 10इंयाई थे समझल्यो झिकी आग्या थानै देएड़ी है अर थे बा मानगे सारा काम कर लिया है तो बी अपणै आप केवो, ‘म्हे कीं खास कोनी करयो। म्हानै केयो बितो'ई काम करयो है जादा कोनी करयो।’”
कोढ़ गा दस रोगियां नै आच्छा करणा
11फेर जद यीसू आपगै चेला सागै सामरिया अर गलील परदेस गै माखर यरुसलेम जाण लागरया तो, 12किसैई गाम में बड़ता टेम बानै दस कोढ गा रोगी मिलग्या। 13बे यीसू नै देखगे दूर ऊं ई जोर जोर ऊं हेला मारण लागग्या कै, “हे यीसू, हे स्वामी, म्हारै पर दया करो।” 14जद यीसू बानै देखगे केयो, “जाओ, ठीक होज्याओगा अर आपणै आपनै याजकां नै दिखाओ।” अर जद बे जाण लागरया तो बे “रा” में जांता जांता ठीक हो'ग्या। 15जद बामूं एक कोढी देख्यो कै मैं ठीक हो'ग्यो तो परमेसर गी जय जयकार करतो पाछो यीसू कनै आ'ग्यो। बो कोढी सामरी देस#17:15 सामरी जात: सामरिया देस में रेणाळा लोग आं लोगां नै यहुदी लोग निची जात गा मानता हा। आंगै हात गो पाणी बी कोनी पींता अर हरेक तरियां गो भेदभाव राखता। गो हो। 16अर आ'गे यीसू गै पगां में पड़ग्यो अर बांगो धन्यवाद करण लागग्यो। 17यीसू बिं एक नै देखगे केयो, “मैं तो दसां नै ठीक करया, फेर बाकी नो किनै गेया? 18ईं एक परदेसी नै छोड़गे बाकी नो जणा परमेसर गो धन्यवाद करण क्यूं कोनी आया? 19फेर यीसू बिनै केयो, ‘जा, तेरै बिस्वास तनै ठीक करयो।’”
परमेसर गो राज आण गी निसानी
(मत्ती 24:23-28,37-41)
20एकर केई फरीसियां बानै पूछयो कै, “परमेसर गो राज कद आवैगो।” जद यीसू बानै केयो, “परमेसर गो राज सांमै दिखण में कोनी आवै। लोग इंया कोनी केसी देखो ओ अठै या बठै है। 21क्यूंकै परमेसर गो राज थारै बिचाळै है।” 22फेर चेला नै केयो, “हिस्यो टेम आवैगो जद मिनख गै बेटै गै दुसर आण गै दिनां#17:22 मिनख गै बेटै गा दुसर आण गा दिन: यीसू मसी ईं धरती पर सगळा गो न्याय करण दुसर आसी, झिका लोग बिं पर बिस्वास करै बानै बो सुरग में लेगे जासी। अर पापियां नै नरक गी सजा देसी। में थे एक दिन नै ई देखणो चावोगा। पण देख कोनी सकोगा। 23अर लोग गुमराह करैगा कै ओ रयो अठै बो रेयो बठै पण थे बांगै लारै ना लागजाईयो। 24जिंया बिजळी एक कूंट में चमकै तो दूसरी कूंट में रेण आळै लोगां नै ध्यान लागज्यै। बिंयाई मिनख गो बेटो जद आपगै दिनां में आवैगो तो सारा लोग बिनै देखैगा। 25पण बिंऊं पेलां ओ होणो जरूरी है कै लोगां गै कारण बो भोत दुख झेलैगो अर ईं जुग गा लोग बिनै ओछो जाणैगा। 26जद मैं, मिनख गो बेटो पाछो आऊंगा तो बिंयाई हो'सी जिंया भोत टेम पेलां परमेसर गो दास नूह हो जद लोगां सागै होयो। 27झिकै दिन तांई नूह अर बिंगो परिवार मोटो जहाज बणागे बिंगै उपर ना चढया जद तांई लोग खाणो पीणो करता अर आपसरी में ब्या करता। अर जद जळ परलै होई तो सारो कीं नास कर दियो। 28अर बिंयाई लूत गै टेम में होयो। लोग खाणो पीणो, लेणो देणो, खेती करता अर घर बणावंता। 29पण झिकै दिन लूत सदोम नगर ऊं बारै आ'ग्यो बिं दिन बठै आकास ऊं आग अर गंधक बरस्यो अर सारो कीं नास कर दियो। 30इंयाई मिनख गै बेटै गै दूसर आण पर होवैगो। 31बिं दिन झिको आदमी छत पर होवै बो नीचै समान लेण ना उतरै अर झिको खेत में होवै बो पाछो घरे ना आवै। 32लूत गी घराळी नै याद राखो झिकी परमेसर गी आग्या नै तोड़गे लारै देख्यो तो लूण गो खम्बो बणगी। 33झिको आपगो जीवन मेरै खातर देण नै तैयार है बिनै सुरग में जीवन मिलैगो। अर झिको तैयार कोनी बिनै सुरग में जीवन कोनी मिलै। 34मैं थानै केऊं, बिं रात में दो आदमी झिका एक मांची पर सूत्या होवैगा, बामूं एक नै परमेसर आपगै सागै ले जावैगो अर दूसरै नै छोड़ देवैगो। 35अर दो लुगाई एक सागै चाकी पीसती होवैगी तो बामूं झिकी धरमी होवैगी बिनै परमेसर आपगै सागै ले जावैगो अर एक नै बठै छोड़ जावैगो। 36जे खेत में दो आदमी होया तो एक तो परमेसर आपगै सागै ले जावैगो अर दूसरै नै बठै छोड़ जावैगो। 37जद बां यीसू नै पूछयो, ‘हे प्रभु, ओ कठै होवैगो’ यीसू बोल्यो, ‘जठै ल्हास है, बठै गिरज आपी भेळा होजी।’”
Селектирано:
लूका 17: BGQ
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2023 (Active), Wycliffe Bible Translators, Inc. All rights reserved. © WIn Publishing Trust