'Olic 10
10
O Pitolon a Milongoc to Pipadama
1 Tapangaw, nawiro miraay Kiso a miliyas i tamiyanan saw?
Yo mapades kami i, nawiro caay pikihar Kiso i tamiyanan saw?
2Misatakaraw a malata'ang ko tatiihay a tamdaw a misamsam to pakosiya a tamdaw,
nanay matfad cangra i satilo nangra.
3Pasneng ko tatiihay a tamdaw to tatiihay a 'anof ningra,
mi^pec a pacoli to Tapang ko ma'anofay a tamdaw.
4Misatakaraw ko faloco' no tatiihay a tamdaw,
caay pilongoc to Tapang,
awaay i faloco' ningra ko Kawas.
5Malahciay a ma^min ko nidmakan no tatiihay a tamdaw.
Nikawrira, caay ka fana' cingra to nika o aira ko pisawkit no Kawas,
katawaen ningra ko polong no 'ada ningra.
6<<Caay ko mamatfad kako a tahada'oc,
caay ko mamapades ko 'orip ako a tahada'oc,>> saan ko harateng ningra.
7Sahto o mi'kakay ato misa'fitay ato patalaway ko sowal ningra,
o sowal ningra i, sahto o cisawarakay, o tatiihay a ma^min.
8Milimek cingra i niyaro' a misa'imer, mitala cingra to sapipatayaw to awaay ko raraw a tamdaw.
Minengneng cingra to awaay ko palawinaan, awaay ko piti'eran a tamdaw,
9Matiya o pisa'imer no layon i smosmotan a mitala ko pitala ningra a mirpet to pakosiya a tamdaw,
tiloen ningra a mirpet koya tamdaw.
10Matolo' koya pakosiya awaay ko palawinaan a tamdaw,
ta kari'angen noya tatiihay a tamdaw a mipolin cangra.
11Sowal sa to tireng ningra koya tatiihay a tamdaw, <<Caay pikihar ko Kawas tonini.
Makni'#10.11 Makni' -- o roma i, fotek, kpit. ko mata Ningra, caay ko papaka'araw Cingra i takowanan a tahada'oc,>> saan.
12 Tapangaw, nanay tayni Kiso a mipa'orip i takowanan,
Kawasaw, nanay pakamay Kiso,
aka tawalen ko masamsamay a tamdaw.
13Maanen no tatiihay a tamdaw ko pi^pec to Kawas a somowal i faloco' to nika,
<<Caay ko mamitfoc Cingra i takowanan,>> a saan saw?
14Nikawrira, matapalto Iso konini a ma^min, miharatengay Kiso to mapadesay ato mararomay a tamdaw,
mararid Kiso a sapipadamaan.
Mitadi'ec i Tisowanan ko pakosiya ato awaay ko palawinaan a tamdaw,
nawhani pasayra Kiso a mipadama to awaay ko palawinaan a pakoyoc a wawa a tamdaw.
15Nanay pelpelen Iso ko 'icel no tatiihay a tamdaw,
nanay kadkaden Iso ko raraw nangra a ma^min a mitfoc.
16Tahada'oc ko pikowan no Tapang a malahongti,
o mamatkop ko roma a finacadan nai sra Ningra.
17 Tapangaw, nanay tngilen Iso ko pitolon no pakosiya a tamdaw,
paflien cangra to sakacicdi no faloco' nangra.
18Nanay patadoen Iso ko masamsamay a tamdaw ato pakoyoc a wawa a pa'ading,
ta caayto pipatalaw to tao koya mamapohed a tamdaw.
Селектирано:
'Olic 10: AMIS2019
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© The Bible Society in Taiwan, 2019