Roiatatokenti San 3
3
Asenhaton nateioteriȣasonterakȣen tsini hoiaton Roiatatokenti San.
1Saiatat raiatarakȣe tsinihati ne Pharisian Nicodem ronȣaiastskȣe, oni ronȣakoȣanen ne Sitaeronon.
2Asonthenne ȣahoiatoronne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon no Niio.
3Ȣahenron ne Iesos tsi tontahoȣcnnaȣeron: Oriȣiio tsi ȣakonrori tsi iah teioiiiaȣeiatane ne Niio raonakeraserakon ne iah ase tentsionnakerathe.
4Tontahenron ne Nicodem: oh nekenh naiaȣenne ne sekon ahonsarennakerate nonen rokstenha? enȣaton kenh ne iaonsahataȣeiate ronistenha kaiatakon nok sekon ahonsarennakerate?
5Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.
6Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.
7Tosa kati sanekheren tsi konrori, tsi iatekakonte ase ensesennakerate.
8Ok ȣahi tenȣanonton kah niienkaȣerenhaȣe tsi iahote, nok sathonte tsi iorakare, iah tanon tesate-rientare kah nontaȣe, iah oni tsi niiahaȣenonhatie; etho kati niiot tsiniiakon nʼonikonrake iakohnake-raton.
9Sekon tontahenron ne Nicodem: oh nekonh naia-ȣenne neh naiaȣenne?
10Iesos tontahoȣennaȣeron nok ȣahaȣenhase: Sherihonniennis nʼIsraerronon tanon iah tesaterien-tare neh nikarihoten.
11Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.
12Nese ok sane konroris nonȣontsiakekha; oh kati nekenh naiaȣenne naontasetakȣe ne Karonhiakekha akonrori?
13Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.
14Nok tsini hoieren ne Moïs tsi roniarakestskȣen Kahentake koȣa; ethooni neneh nenhiaȣenne nʼOnkȣe Roienha enhonȣaiatakaratate.
15Netho naontaȣo tosa aiahiheie tsini iakon entia-kaȣetakon ne raosennakon, aiakoientake tanon nʼaiontsonnonnionȣe.
16Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake no raonhake aietsenri atsennonniat.
17Aseken ne Niio, iah neh tethotoriaton ne Roienha tsi ionȣentsiate naiontkaronniate nonkȣe, neh tanon raniente naontonseke raonhake aietsenri atsennonniat.
18Iah nonȣenton tiiahatkaronni ne thaȣetakon raonha raosennakon, nok tanon noiah tethaȣotakon, onen ok neneh rotkaronnihon: aseken iah ki tetha-ȣetakon ne Raosennakon tsi neok enskat Niio Roienha.
19Kenh kaien enhiakokaronniate: Netsi iioh no toiosȣatho nonkȣehne, nok nonkȣe sonha neh iakoh-nonȣehon no taontaiakokaraseke tsiniiot ne taiakosȣa-theke; aseken sotsi ieȣeiennakson.
20Aseken onka neok iakaȣesakonhaties ne iotaksen, iesȣenski ne toiosȣatho, iah oni akta teientha tsteiosȣathe, onȣa sotsi enhiontatattokase tsi ieȣeiennai ksen.
21Nok tanon noneh iakesaks ne tkariȣaieri akta ki ientha tsi toiosȣatho, nok eh nahontaȣe ȣohno aonton nakoȣeienna, aseken Niiohne tiotiientakon.
22Ethone are onen ne Iesos Jude niionsare, ronhne ne raotiokȣa, etho oni nonȣe iahotinisko, nok sakoti-nokȣahostakȣe.
23Nok no Saȣatis Enon neneh nonȣe nisakonokȣa-hestakȣe akta ne Salim ne tsi eh nonȣe nikaihionha-tenionkȣe, eh kati nonȣe ieienthakȣe ne ionskaneks naiontenekȣaheste.
24Aseken areko sihonȣannhoton ne saȣatis neh nonȣe sikahaȣis.
25Saȣatis raotiokȣa tanon Sitaeronon ȣathatiriȣa-tironten atatenekȣahestak ahoriȣake.
26Etho sahonneȣe tsi, renteron ne Saȣatis, shontonne: Saianer, Sakohnekȣahesta se ken oni neneh onen thohiken tiseneskȣe ihsi nakaihionhati Jourdan neh oni ne hetscriȣanirati, akȣa oni ihken tsi raonkȣe-tanakerens.
27Tontahenron ne Saȣatis: iahse othenon tahakȣeni ne ronkȣe noiah Karonhiake tahontahonȣalen-nietasere.
28Seȣathonte oni ȣahi niso tsi ȣaken: iah ii tehken ne Keristos neok tsi ohenton tionkatorion.
29Onka teniiase ne rone neh ki ȣahi neh rone: nok tanon ne ronatenro roȣennarakȣa oni rotahonsate, nok neh ratonnharakȣa tsi roȣennaronkas; eh kati oni nii niiot, onen tokenske ȣakahnane tsi ȣakatonn-hahere.
30Aseken enhasennoȣannha nok nii tentkastohne.
31Akȣekon niiesakosennakenhnion ne Karonhiake nithaȣenon; aseken nonȣentsiake nithaȣenon, ronȣen-tsiakeronon ki nehneh, eh oni niiot tsi ratatis tsi niiot nonkȣesonha; nok tanon ne Karonhiake nitha-ȣenon, akȣekon niiesakokȣenion.
32Nok neh rattroris tsinihotkatton oni tsini horonken, nok iah onka tehonȣatahonsatatis.
33Nok onka rotaonsatati, roriȣaniraton ki tsi Niio ihken ne Niio.
34Asoken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.
35Roniha ronoronkȣa ne Roienha, akȣekon oni nihiehoriȣaȣi.
36Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.
Селектирано:
Roiatatokenti San 3: MOH1880
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Published by the British and Foreign Bible Society in 1880.