ПСАЛМИ 24
24
Пофалбена химна на Царот на славата
1. Господ - Творец
Давидов псалм.
1Господова е земјата и сѐ што е на неа, светот и сите кои живеат во него. 2Зашто Тој го основа над морињата и го зацврсти над реките.
2. Својство на Божји народ
3Кој ќе се искачи на Господовата Гора, кој ќе застане на Неговото свето место? 4Оној, кој има чисти раце и невино срце; кој не ѝ ја предаде својата душа на суетата и кој не се заколнува лажно. 5Тој прима благослов од Господа, и правда од Бога, својот Спасител. 6Такво е поколението на оние, што Го бараат Него, што го бараат лицето на Јакововиот Бог.
3. Влегување на Царот на славата
7Поткренете ги врати своите надвратници, кренете се вечни порти, да влезе Царот на Славата! 8Кој е тој Цар на Славата? моќниот и силниот Господ, Господ силен во бој! 9Поткренете ги врати вашите надвратници, кренете се вечни порти, да влезе Царот на Славата! 10Кој е тој Цар на Славата!? Господ над Воинствата - Тој е Цар на Славата!
Селектирано:
ПСАЛМИ 24: MKB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Macedonian Bible: Old and New Testament, Konstantinov
Copyright © 1999, 2004, by Loukas Foundation ®
Used by permission of City Bible Foundation ® All rights reserved worldwide.