ПСАЛМИ 19:1-6

Небесата ја раскажуваат Божјата слава, небесниот свод го навестува делото на Неговите раце. Денот на ден му го објавува тоа, а ноќта на ноќ ѝ соопштува. Нема говор ни јазик, каде не ќе се чуе нивниот глас. Нивната вест се рашири по целата земја, а нивните зборови до крајот на вселената. Таму, за сонцето Тој оптегнува шатор, кое излегува како младоженец од својата ложница, се радува како јунак кога ја претрчува патеката. Излегува од небесниот крај и обиколува до крајот; и ништо не се крие од неговата топлина.