МАТЕЈ 24:44-51

Затоа и вие бидете готови, зашто Човечкиот Син ќе дојде во час, кога не мис-лите.“ И така, кој е оној верен и благоразумен слуга, кого господарот го поставил над слугите свои, за да им дава храна навреме? Блажен е оној слуга, кого неговиот господар - кога ќе дојде - ќе го најде да прави така. Вистина ви велам: ќе го постави над сиот свој имот. Ако пак оној зол слуга рече во своето срце: ‘Мојот господар ќе се забави долго,‘ па почне да ги бие своите сослужители, и да јаде и да пие со пијаниците, господарот на оној слуга ќе дојде во ден, кога не очекува, и во час, што не го знае, па ќе го пресече и ќе го стави меѓу лицемерите. Таму ќе биде плач и чкртање со заби.“