ЛУКА 10:3-11

Одете! Ете, Јас ве праќам како јагниња меѓу волци. Не носете ни мало торбиче за сребреници, ни торба, ниту обувки и не поздравувајте никого патем! И во која куќа влезете, најнапред речете: „Мир на оваа куќа!“ И ако биде таму синот на мирот, вашиот мир ќе остане на неа; а ако ли не, ќе се врати при вас. Останете во таа куќа, јадете и пијте што имаат, зашто трудбеникот ја заслужува својата плата. Не преоѓајте од куќа во куќа. И ако влезете во некој град и ве примат, јадете што ќе изнесат пред вас! Исцелувајте ги болните во него и говорете им: „Божјото Царство се приближи до вас!“ Ако пак влезете во некој град и не ве примат, излезете на неговите улици и речете: “И правот од вашиот град - што се залепил на нашите нозе - ви го истресуваме; но знајте го ова - Божјото Царство се приближи.“