ЈОВАН 13:12-17

А кога им ги изми нозете, ја зеде својата горна облека и пак седна на трпезата и им рече: „Разбравте ли, што ви сторив? Вие Ме викате Мене Учител и Господ, и право велите, зашто тоа Сум. И така, ако Јас, Господ и Учител, ви ги измив нозете, и вие сте должни да ги миете нозете еден на друг; зашто ви дадов пример и вие да правите онака, како што ви направив Јас. Вистина, вистина ви велам: слугата не е поголем од својот господар, ниту пратеникот е поголем од оној, кој го пратил. Кога го знаете ова, блажени сте - ако го исполнувате тоа.