БИТИЕ 26:7-9

Кога месните жители го прашаа за неговата жена, рече: „Таа ми е сестра.“ Се плашеше да рече: „Таа ми е жена,“ мислејќи: „Месните жители можат да ме убијат заради Ревека, зашто е убава.“ Бидејќи таму се задржаа подолго, царот на Филистејците Авимелех еднаш погледна низ прозорецот и виде дека Исак ја милува својата жена Ревека. И Авимелех го повика Исака и рече: „Така, таа ти е жена! Како можеше да речеш дека ти е сестра?“ Исак му одговори: „Зашто мислев дека можам да загинам заради неа.“