Matewu 5
5
Ta Yesu loko ajondzisa ntshaveni
1Kuteloko Yesu avona xitshungu, ayakhwela ntshaveni; loko atshamile, vajondzisiwa va yena vamutshinelela. 2Kutani asungula kuvajondzisa, aku:
3“Kukatekile svisiwana moyeni,
hikuva Mfumu wa matilo i wa svona.
4 # Vona ni: Ez. 61:2. Kukatekile lavarilaka,
hikuva vatachaveleliwa.
5Kukatekile lavorhula,
hikuva vataja ndzhaka ya misava.
6Kukatekile lavanga ni ndlala
ni torha ra svolulama,
hikuva vataxurhisiwa.
7Kukatekile lavanga ni timpsalu,
hikuva vatakombiwa timpsalu.
8Kukatekile lavanga ni timbilu letibaseke,
hikuva vatavona Xikwembu.
9Kukatekile lavatisaka kurhula,
hikuva vatavuliwa vana va Xikwembu.
10 # Vona ni: I Pet. 3:14. Kukatekile lava vaxanisiwaka
hikolaho ka svolulama,
hikuva Mfumu wa matilo i wa vona.
11 # Vona ni: I Pet. 4:14. “Mikatekile loko vamirhuketela, loko vamixanisa ni kumilumbeta hi mavunhwa lawa yotala hikolaho ka mina. 12#Vona ni: II Tikr. 36:16; Mint. 7:52. Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”
Ta munyu ni kuvonakala ka misava
(Marka 9:50; Luka 14:34-35)
13 # Vona ni: Mar. 9:50; Luk. 14:34-35. N'wina mi munyu wa misava; kambe loko munyu wupshama, kunandziha ka wona kutapfuxetiwa hi yini ke? Awahapfuni nchumu, loko kungali kucukumetiwa handle, wukandziyeliwa hi vanhu.
14 # Vona ni: Yoh. 8:12; 9:5. N'wina mi kuvonakala ka misava; doropa leriyakiweke ntshaveni aringetumbetiwi. 15#Vona ni: Mar. 4:21; Luk. 8:16; 11:33. Nasvona, avalumeki rivoni kurimbhonya hi xirhundzu, kambe variveka henhla, kutani rivoninga hinkwavu lava vanga ndlwini. 16Kuvonakala ka n'wina akuvoningele vanhu hi mukhuva wolowo, lesvaku vatavona mintirho ya n'wina leyosaseka, vadzunisa Tatana wa n'wina lweyi anga matilweni.
Ta Yesu loko ajondzisa hi ta Nawu
17Mingapimiseni lesvaku nitile kutahelisa Nawu hambi vali Vaprofeta; anitelangakutahelisa, nitele kutawulandza. 18#Vona ni: Luk. 16:17. Nimibzela ntiyiso, nili ka n'wina: Tilo ni misava svingasinyamalala, yota #5:18 Yota: Rin'we ra maletere ya Xiheberu., kumbe xindzhatana, hambi xili xin'we, xingakala xingasusiwi Nawini, kukondza svilo hinkwasvu svitava svihetisekile. 19Hikolaho, lweyi angatatlula wun'we wa milawu leyitsongo leyi, kutani ajondzisa vanhu kuyendlisa svosvo, atavuliwa lwentsongo Mfun'wini wa matilo. Kambe lweyi angatayihlayisa ni kuyijondzisa, atavuliwa lwenkulu Mfun'wini wa matilo. 20Hikuva namibzela nili: Loko kululama ka n'wina kungatluli kululama ka Vatsali ni ka Vafarisi, amingangheni Mfun'wini wa matilo.
Ta Yesu loko ajondzisa hi ta vukarhi
(Luka 12:57-59)
21“Misvitwile lesvivuliweke ka lava va khale, loko vaku: ‘Ungatshuki udlaya; lweyi adlayaka, atafanela kuyavanyisiwa.’” 22“Kambe mina nili ka n'wina: Mani na mani lweyi akarhiyelaka makwavu, atafanela kuyavanyisiwa; lweyi ange ka makwavu: ‘U xiphukuphuku!’ Afanela kuyisiwa ka muyavanyisi; lweyi ange ka yena: ‘Xihunguki ndziwena!’ Afaneliwa hi ndzilo wa Tihele.” 23Hikolaho, loko uhumesa mhamba ya wena alitarini kutani utsundzuka kolaho lesvaku makwenu a ni mhaka na wena, 24siya mhamba ya wena kolaho alitarini, kutani urhanga uyarivalelana ni makwenu; hi kona ungatavuya, utahumesa mhamba ya wena. 25Hantlisa urivalelana ni lweyi unga ni mholova na yena, na mahali ndleleni, akuva munhu lweyi angakunyiketi ka muyavanyisi, muyavanyisi yena akunyiketa ka phoyisa, kutani unghenisiwa jele. 26Nitiyisile nili ka wena: Ungakala ungahumi kona, loko ungasihumesa male ya wena hinkwayu.
Ta Yesu loko ajondzisa hi ta vuwosvi
27“Misvitwile lesvingavuliwa loko vaku: ‘Ungatshuki uwosva.’ ” 28Kambe mina nili ka n'wina: Mani na mani lweyi alangutaka wansati hi kumunavela, amuwosvile mbilwini ya yena. 29#Vona ni: Mat. 18:9; Mar. 9:47. Hikolaho loko tihlo ra wena ra xinene rikujohisa, rixokole, uricukumeta kule na wena; hikuva svingayampsa loko xirho xin'we xa wena xilova, miri wa wena hinkwawu wungahoxiwi Tiheleni. 30#Vona ni: Mat. 18:8; Mar. 9:43. Loko voko ra wena ra xinene rikujohisa, ritseme, uricukumeta kule na wena, hikuva svingayampsa loko xirho xin'we xa wena xilova, kutlula kuva miri wa wena hinkwawu wuya Tiheleni.
Ta Yesu loko ajondzisa hi ta kutshika nsati
(Matewu 19:9; Marka 10:11-12; Luka 16:18)
31 # Vona ni: Dew. 24:1-4; Mat. 19:7; Mar. 10:4. “Nasvona kuvuliwile, vaku: ‘Lweyi atshikaka nsati wa yena, aamunyike papela ra kumutshika.’ ” 32#Vona ni: Mat. 19:9; Mar. 10:11-12; Luk. 16:18; I Kor. 7:10-11. Kambe mina nili ka n'wina: Mani na mani lweyi atshikaka nsati wa yena, loko kungali hi mhaka ya vunghwavana, amuyendla lesvaku ahundzuka muwosvi; kutani mani na mani lweyi atekaka wansati lweyi atshikiweke hi mukhuva wolowo, wawosva.
Ta Yesu loko ajondzisa hi ta kuhlambanya
33“ Nasvona misvitwile lesvaku kuvuliwile ka lava va khale, vaku: ‘Ungatshuki utlhela ndzhaku akuhlambanyeni ka wena, kambe utayendla lesvi ungahlambanya svona mahlweni ka Hosi.’ ” 34#Vona ni: Yak. 5:12; Ez. 66:1; Mat. 23:22. Kambe mina nili ka n'wina: Mingatshukeni mihlambanya nikutsongo, hambi kuli hi tilo, hikuva i xiluvelo xa Xikwembu, 35hambi kuli hi misava, hikuva i vunavalatelo bza milenge ya xona, hambi kuli hi Yerusalema, hikuva i doropa ra Hosi leyikulu. 36Hambi yili nhloko ya wena, ungatshuki uhlambanya hi yona, hikuva ungakala ungasvikoti kuhundzula ni nsisi ni wun'we, kuwuyendla wobasa kumbe wa ntima. 37“Akuvulavuleni ka n'wina ‘Ina’ aave ‘Ina’, ‘Ahihim’ ava ‘Ahihim’. Lesvi yengeteleliwaka ka svosvo svihuma ka lweyi wobiha.”
Ta Yesu loko ajondzisa hi ta kutirihisela
(Luka 6:29-30)
38“Misvitwile lesvingavuliwa loko vaku: ‘Tihlo ririhiwa hi tihlo, tinyo hi tinyo.’ ” 39Kambe mina nili ka n'wina: Mingatshukeni miyalela lweyi amiyendlelaka lesvobiha; kambe loko munhu akumakala rhama ra xinene, mukangatelele ni lerin'wana. 40Ni loko munhu alava kukumangalela, akutekela banci, mutshike ateka na rona hembe. Loko akutekela nguvu mutshike ateka na wona nkhancu. 41Loko munhu akusindzisa kufamba mpfhuka wun'we, famba na yena mimpfhuka mimbirhi. 42Nyika lweyi akombelaka ka wena, ungafularheli lweyi anavelaka kulomba xanchumu ka wena.
Ta kurhandza valala
(Luka 6:27-28,32-36)
43 # Vona ni: Levh. 19:18. “Misvitwile lesvingavuliwa, loko vaku: ‘Utarhandza wa le kwenu, uvenga nala wa wena.’” 44Kambe mina nili ka n'wina: Rhandzani valala va n'wina, mikhongelela lava vamixanisaka, 45lesvaku mihundzuka vana va Tatana wa n'wina lweyi anga matilweni, hikuva axisa jambu ra yena henhla ka lavobiha ni lavanene, anisa mpfula henhla ka lavolulama ni lavohomboloka. 46Loko mirhandza lava vamirhandzaka ntsena, xana mingalangutela hakelo muni ke? Na vona vahakelisi va rhesa avayendlisi svosvo xana? 47Ni loko mixeweta vamakwenu ntsena, mitlula van'wana ha yini-ke? Na vona vamatiko avayendlisi svosvo xana? 48Hikolaho-ke, na n'wina mifanele kuhetiseka, kufana ni lesvi Tatana wa n'wina wa le tilweni ahetisekeke.
Селектирано:
Matewu 5: NTC2014
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Novo Testamento Changana © Bible Society of Mozambique, 2014.