LUKA 24
24
1Ompö asispa Chumapili kiwasan, kïpa koruchay akïnömotoy köröstinechay kikakïmar chane. 2Kutomï kikemïlmïlta koghay kiköröy pïrïmponay. 3Kïlït ori, wölo kimönyorïcha por pö Echotyon Yeso. 4Akwotini kitökïtöngönchini ngalechoni, kighisyö, kughyongö panini pich odeny ato kilekïtö chane, pich cho kiloköy sïro cho kwörkwör. 5Kuwöghisyö koruchay akungïrukisyö ntökwit ngwïny. Kïlenchï pïchay chane, “Ompö ne tomörekwa chi nyo satate ompö kwenu pich cho kimeghö? 6#Mat 16:21; 17:22-23; 20:18-19; Mrk 8:31; 9:31; 10:33-34; Luk 9:22; 18:31-33. Mökïminye yi, kikututï. Anane kïgh nyo kimwowokwa atanya kïtökïmi Kalilaya, 7nyo kilö, ‘Kitöni Wero Chi mori mwokïyis nyo mötïny, akewudochï kimurtöwon, atökututï asisto sömök.’ ”
8Atoni nyu kunan koruchay ngalechoni kimwa Yeso. 9Kïngeta pïrïmponay akïpa kïmwochï ngalechoni löwïr kinetankachi chay le taman nko akonga nko pikö walaka. 10Koruchoni kï ki ompö Marya Makdalena nko Yoan nko Marya yoto Yakopo nko koru walaka cho kimi tïkwïl. Chane cho kipchï lökoyechoni kiyoktoghï. 11Wölo ompö chane, kilata ngalechoni tarit nyo tumo ket, nyo kimeghancha. 12Wölo kïnget Petro akurïp kutang pïrïmponay. Akwotini kit kungïrukö atö kuros ori. Kïsïwa sïro kwïle atolapay kïmïla kaw akïtöngönchini tïkuchoni kighisyö.
Pan pö Emau
(Mrk 16:12-13)
13Kimi asisoni kinetankachi odeny kïpetöy Emau, kanasyan akonga nyo kingata lowïntanyi kilomiten taman nko akonga Yerusalem. 14Otini kimi pan kingölono chane ngalechaye kitökwighisyot tolekït. 15Akwotini kimi kïngölonöy akïtepöy kegh ngalechoni, kuchumchï Yeso chane akïnomnyotö tïkwïl. 16Wölo melö kipköchï lö, ki Yeso nyoni kimi tïkwïl ompöwölo kiyentö Tororöt konyikwa. 17Kïlenchï Yeso pïchay, “Ne ngalechï omwoghotokwa omikwa pan nya?”
Kughyö pïchay löwïr, akïwuronchö. 18Atolapay kïtep akonga nyo kïkuro Kleopas lö, “Nkï töptoy ichinyi ton onkït ompö Yerusalem nyo tomö nkïtunö tïkwïn cho keghisyeghö wöloni ato lekït?”
19Kïtep Yeso lö, “Ne tïku?” Kuyokyï lö, “Tïkwïn cho kighisyö ompö Yeso nyo pö Nasaret, nyo kile werkoyon nyo awes ompö ighisyewutkachi nko kinetutkachi ompö tawu Tororöt nko nyo pö pich löwïr. 20Kutötö tïsï cho echön nko pöytoghicha kïwö mori Pilato atökerwokyï, atolapay kïwudochï kimurtöwon. 21Wölo kikïlenchinecha kegh, nyinte nyo kïsöru pipö Israel. Amelö choni opïn, asisto sömök nyete kïteno otini kighisyö ngalechoni. 22Kïpka ompö korï walaka cho kömi nko acha akwotyeghenecha. Kipa chane kiwasan wölini kikïtïpchï, 23wölo kïmönyorïcha portanyi. Kïmïlonchö akïlenchecha kikïsïwa malayken cho kimwochï chane lö, söpöy nyinte. 24Atolapay kïpa pich walaka cho kikimicha tïkwïl pïrïmponay akïsïwa lenyini kimwowï koruchoni, wölo kimasïwacha nyinte.”
25Kïlenchï Yeso pïchay, “Ochikwa sölwöy achï nyirtïghöch ompö mïkuliskökwo aghana ngal löwïr cho kimwa werkoy. 26Kimömïchïnye so Kristo* kuwongwï lenyoni kïtomö kïlït ororyenyi?” 27Atolapay kutor kuporchï chane ngal cho kikïmwa ompö parakunyi ompö Kikirut löwïr, kïngetunö kitapuna Musa ntökwit cho pö werkoy löwïr.
28Otini kirich chane kanasyantanay kipetöy, kwigh kegh Yeso le chi nyo mi kuletöy tagh. 29Wölo kïmir chane nyinte akïlenchï, “Mpurö nko acha, ompöwölo ki kwimön akikungwïn tuwïn.” Kïlenyona, kïlït kanasyantanay akïtöpö nko chane. 30Kïkany kïtöpö ngwïny tökwomisyö nko chane, kïcheng makatyan, akuyokyï Tororöt sörö. Atolapay kïmïnchïr akutö chane. 31Atoni nyu kïyotisyö konyikwa akunkïtï lö, kitö nyinte nyini. Wölo kïngeta kwenungwa panini. 32Kïmwochï kegh lö, “Melö so kanagha ma orincha ataye kangalan nyinte nko acha ompö arawet atay keporwecha ngala Kikirut?”
33Kïnget pïchay panini lawel akïmïlonchö Yerusalem. Kïnyorï kinetanchay le taman nko akonga mi nyoryogh nko pikö walaka, 34cho kilentöy. Löwïr, “Kikututï Echotyon nyoman, akikuporchï kegh Simon.”
35Kïmwochï pïchay le odeny chane ngal cho kighisyö ompö or kïpetoy Emau nko wölini kinkïtïtö lö, Yeso nyini otinö kimïnychïr makatyan.
Kechumchï Yeso kinetankachi
(Mat 28:16-20; Mrk 16:14-18; Yna 20:19-23; Ist 1:6-8)
36Otini kitökïmwoghöy pïchay ngalechoni, kughyongö Yeso nyinte kwenungwa akïlenchï, “Pöghisyö akwa.”
37Kwotyö akïmïghyö chane nyoman. Kilenchini kegh kikïsïwa oyin. 38Wölo kïlenchï chane, “Ompö ne towöghisyenökwa? Akwompö ne totïngetenökwa tomtomönöt ompö mïkuliskökwo le nyï? 39Arose morichan nko kelyechan atasïwena lö, ante kegh nyete. Atatapanïn arosanïn. Ompöwölo mötïngnye mïkulögh peny nko ko le wölï osöchinanïkwa.”
40Kïkany kuwany kïmwa lenyoni kuporchï chane morichi nko kelyechi. 41Otini kitökïtomtomönöy pïchay ompö ngörekyö nko tangany nyo wow nyo kipï ngalechoni, kïtep Yeso chane lö, “Otïngetekwa kïgh ompö yete nyo kyomöy?” 42Kutö nyinte mïnchïrana koghoghwö nyo kikïwatan. 43Kïcheng akwam ompö tawungwa.
44Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”
45Atolapay kïyat mötöwekwa tökïpköchï Kikirut 46akïlenchï, “Kikikir lö, wongu akïma Kristo nyo mötïny akututï asisto sömök 47Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr. 48Amwatïta chï le akwa ngalechï kasïwekwa. 49#Ist 1:4. Oyokwokwa ayomisto Paponyan kungwïnchokwa. Wölo oköngisyeghö kanasyantanete ntökïtenö kungwïnchokwa owesyö nyo ngwïno parak.”
Kakip Yeso yïm
(Mrk 16:19-20; Ist 1:9-11)
50 #
Ist 1:9-11. Atolapay kumït chane kïpegha kanasyantanay ntökïlekïtyï kanasyanta Petaniya. Ompö atoni kïsyol ewunechi akïsagh Tororöt kupöropchï chane owesyenyi. 51Akwotini kitökïsoghchini chane, kïpïstö chane akep kïwö yïm. 52Atoni nyu kïkïtïngchï nyinte akïmïlonchö Yerusalem nko ngörekyö nyo tya! 53Amenakanye Kö pö Tororöt* kïsölöy Tororöt.
Селектирано:
LUKA 24: PIPÏLIA
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
©Bible Society of Kenya, 2019