قصة النبي يونس 3
3
توبة أهل نينوى عإيد النبي يونس (عليه السلام)
1وبعد كمّ يوم أمر سبحانُه الحوت يرمي يونس عالشط،
وهو بقلبُه الطاعة لربُّه حطّ.
ورجِع أمره ربنا (عليه السلام) وقلُّه:
2"رجاع قوم روح عنينوى الشهيرة
وخبِّرُن عن إرادتي لأهل الديرة."
3وطاع يونس ربّ العالمين وراح عالمدينة يلّي بيلزَما،
تلات تيّام تيِبرِما
4وبعد مشي يوم واحَد صار ينادي ويقول: "يا ناس يا قوم!
باقي عدمار نينوى أربعين يوم.
اسمعوني منيح
كلامي صِدِق وصحيح!"
5فآمن أهل المدينة برسالة ربنا وتابوا،
وندروا يصوموا، والندر إلُه تيابُه،
وأخَد هالقرار
الكبار والصغار.
6ولمّا سمع ملك نينوى الرسالة،
قام عن عرشُه، وشَلَح توبُه، ولبِس تياب من خيش متل البالة،
وجاب كومة رماد قعد عليا
7بعدين أمر حاشيتُه ينادوا بأرجاء نينوى ويقولوا فِيا:
"ممنوع الأكل والشراب،
وهالحكي بيمشي عالبشر وعالدواب!"
8ولازم تلبسوا انتو والدواب خيش،
توبوا بصدق لالله وما تسألوا ليش!
نادوا الله وادعوه
وكفروا عن كلّ شرّ وظلم عملتوه!
9بركي الله بيرحمنا
ويمنع الأذى عنّا!"
10ولمّا شاف رب العالمين توبِتهن وتوقَّف الشرّ من صوبُن،
عفى عنُّن ومنَع أيّ بلاء ينوبُن.
Селектирано:
قصة النبي يونس 3: LRT
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2021 Sabeel Media