ଯୋହାନ୍ ପାରିଚାଏ
ପାରିଚାଏ
ୟୀଶୁ ଖ୍ରୀଷ୍ଟ୍ଆଃ ଜୀୱାନ୍କେ ଉଦୁବେତାନ୍ ନାୱା ନିୟାମ୍ରାଃ ଚାର୍ଠୁ ପୁଥିକଏତେ ଯୋହାନ୍ ଅଲାକାଦ୍ ସୁକୁକାଜି ହବାଅଃତାନା ମିଆଁଦ୍ । ଏନ୍ ସବେନାଃକକେ “ସୁକୁକାଜି” କାଜିୟଃତାନା, ଏନାରାଃ ମୁଣ୍ଡିଦ “ବୁଗିନ୍ କାଜି” ତାନାଃ । ଏନ୍ସବେନାଃକେ ୟୀଶୁଆଃ ଗନଏଃ ତାୟମ୍ତେ ମାଥିଉ, ମାର୍କ, ଲୁକ, ଆଡଃ ଯୋହାନ୍ ତିକୁ ଅଲାକାଦାଃକ । ଯୋହାନ୍ ଅଲାକାଦ୍ ସୁକୁକାଜି ୟୀଶୁତାୟମ୍ ୯୦ କରେ ପ୍ରେରିତ୍ ଯୋହାନ୍ ଅଲାକାଦାଏ । ନେ ସୁକୁକାଜିକେ ଯୋହାନ୍ ଅଲାକାଦାଃଏ ମେନ୍ତେ ନେ ସୁକୁକାଜିରେ କା ଅଲାକାନା ମେନ୍ଦ ନେ ସୁକୁକାଜିରାଃ ଅନଲ୍ ତାରିକା ଆଡଃ ଯୋହାନ୍ ଅଲାକାଦ୍ ଚିଠା, ୧ ଯୋହାନ୍, ୨ ଯୋହାନ୍ ଆଡଃ ୩ ଯୋହାନ୍ ସବେନାଃ ମିଦ୍ଲେକାଗି ମେନାଃ । ଚିମିନ୍ ମାରି ଅନଲ୍କ ବିଶ୍ୱାସେତାନାକ ଯେ ନେ ସୁକୁକାଜି ଏଫିସୁସ୍ଏତେ ଅଲାକାନା ଚିୟାଃଚି ନେ ନେଡାକରେ ଯୋହାନ୍ ଏଫିସୁସ୍ରେ ତାଇନଃ ତାଇକେନାଏ ।
ଯୋହାନ୍ ଫାର୍ଚିକେଦ୍ତେ କାଜିୟାଃଏ, “ୟୀଶୁଗି ଖ୍ରୀଷ୍ଟ୍, ଜୀନିଦ୍ ପାର୍ମେଶ୍ୱାର୍ଆଃ ହନ୍,” ଯୋହାନ୍ ୨୦:୩୧ ନେଆଁଁ ପାତିୟାର୍ ନାଗେନ୍ତେ ହଡ଼କକେ ଦେଙ୍ଗାତେୟାଃଗି, ନେ ସୁକୁକାଜିରାଃ ବିଶେଷ୍ ଉଦ୍ଦେଶ୍ ତାନାଃ । ନେଆଁଁ ପାତିୟାରେ ହରାତେ, ସବେନ୍କ ଜେ'ଲେକା ଜୀୱାନ୍କ ନାମ୍ଦାଡ଼ିୟାଃ । ନେ ସୁକୁକାଜିକେ ଯିହୁଦୀକ ଆଡଃ ସାଅଁସାର୍କଆଃ ନାଙ୍ଗ୍ ଅଲାକାନ୍ ତାଇକେନା । ଯୋହାନ୍ ନେ ସୁକୁକାଜିରେ ୟୀଶୁଆଃ ଜନ୍କା କାଜି ଏତେ ଇନିୟାଃ ପେଡ଼େୟାନ୍କାମିକ ବିଷାଏରେ ପୁରାଃ ଅଲାକାଦାଃଏ । ୟୀଶୁଆଃ ବାପ୍ତିସ୍ମା, ବିର୍ରେ ୟୀଶୁଆଃ ବିଡ଼ାଅ, ଆଡଃ ଚିମିନ୍ ବିଶେଷ୍ ଘାଟ୍ଣା ବିଷାଏରେ ଯୋହାନ୍ ନେ ସୁକୁକାଜିରେ ଜେତ୍ନାଃ କାଏ ଅଲାକାଦାଃ । ନେ ସୁକୁକାଜି ବାକି ସବେନ୍ ଆପିୟା ସୁକୁକାଜିକ ଏତେ ଏଟାଃଗିଆଃ ।
ପୁଥି ଭିତାର୍ରେ ତାଇକାନ୍ କାଜି
୧. ସୁକୁକାଜିରାଃ ଏନେଟେଦ୍ । ୧:୧-୧୮
୨. ୟୀଶୁଆଃ ଚିମିୟାଙ୍ଗ୍ ପେଡ଼େୟାନ୍କାମିକ । ୧:୧୯–୧୨:୫୦
୩. ୟୀଶୁଆଃ ଜୀୱାନ୍, ଗନଏଃ ଆଡଃ ଜୀଉବିନିରିଦ୍ । ୧୩:୧–୨୦:୩୧
୪. ୟୀଶୁଆଃ ଜୀଉବିନିରିଦ୍ ତାୟମ୍ତେ ଉଦୁବେନ୍ । ୨୧:୧-୨୫
Селектирано:
ଯୋହାନ୍ ପାରିଚାଏ: NTRuu20
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The New Testament in Munda Language © The Word for the World International and Munda Believers Assembly, SDCU, Sambalpur, Odisha. 2020