Mɔl MUKENYE
MUKENYE
Duma “Gyɛnɛse ne abo a le Mɔlebɛbo.” Buluku ne ka ewiade ye ɛbɔlɛ nwo edwɛkɛ, ɔkile kɛ bɛzile bɛbɔle sonla, ɔka kɛ ɛtaneyɛlɛ nee amaneɛnwunlɛ zile bɔle ɔ bo wɔ ewiade ye anu, nee adenle mɔɔ Nyamenle vale zolɛ nee sonla dasanli luale la anwo edwɛkɛ. Bɛkola bɛkyɛ Mɔlebɛbo Buluku ne anu ekpunli mgbole nwiɔ.
1. Mgbakyelɛ ko mɔɔ kɔdwu bulu nee ko: Ewiade ɛbɔlɛ nee sonla dasanli anwo tetedwɛkɛ mɔɔ lumua. Yɛnwu Adam nee Yive, Keen nee Ebɛle, Nowa nee azuyilɛ ne, yɛɛ Babelɔn Tawa ne anwo tetedwɛkɛ wɔ ekpunli ɛhye mɔɔ lumua la anu.
2. Mgbakyelɛ bulu nee nwiɔ mɔɔ kɔdwu abulanlu: Yizilayɛ mgbanyima mɔɔ lumua la anwo tetedwɛkɛ. Sonla mɔɔ lumua la a le Ebileham mɔɔ yɛle tieyɛ manle Nyamenle la. Ye diedi mɔɔ wɔ Nyamenle anu la lale ali wienyi. Edwɛkɛ mɔɔ doa zolɛ la a le ɔ ra Ayezeke, ye alɔnra Gyekɔbo (mɔɔ eza bɛfɛlɛ ye Yizilayɛ la) yɛɛ Gyekɔbo amra mrenya bulu nee nwiɔ ne mɔɔ kyekyele Yizilayɛ mbusua ekpunli ekpunli bulu nee nwiɔ ne mɔ la anwo edwɛkɛ. Buluku ne akee gyinla ngakula mrenya ne mɔ ko mɔɔ bɛfɛlɛ ye Dwosefi la anwo edwɛkɛ zo, nee edwɛkɛ mɔɔ sisile a ɔlua zolɛ Gyekɔbo nee ɔ mra mrenya ɛhendeɛ ne mɔ nee bɛ mbusua ne mɔ amuala hɔdwule Yigyibiti na bɛdɛnlanle ɛkɛ ne la azo.
Buluku ɛhye ka menli nwo edwɛkɛ bɔbɔ ɛdeɛ, noko mɔɔ ɔgyi zolɛ kpalɛ la a le mɔɔ Nyamenle ɛyɛ la. Ɔbɔ ɔ bo ɔsi ye pi kɛ Nyamenle a bɔle ewiade a, na ɔfa Nyamenle ɛwɔkɛ ne mɔɔ ɔbɔle kɛ ɔbahɔ zolɛ yeanlea ye menli ne anwo zo la ɔdwula ye edwɛkɛ ne. Nyamenle a le titile mɔɔ ye duma da ali wɔ buluku ne anu a. Yemɔ yɛɛ ɔbua menli mɔɔ yɛ ɛtane la ndɛne na ɔtea bɛ, ɔdi ye menli ne anyunlu na ɔboa bɛ ɔmaa bɛ tetedwɛkɛ di munli a. Bɛhɛlɛle tete buluku ɛhye mɔmoane, bɛhanle menli bie mɔ diedi nwo edwɛkɛ, na eza ɔboale ɔmanle diedi ne hɔle zolɛ dɛnlanle ɛkɛ.
Mɔɔ wɔ nu la
Ewiade nee sonla ɛbɔlɛ 1.1—2.25
Ɛtaneyɛlɛ bo ɛbɔlɛ nee amaneɛnwunlɛ 3.1-24
Ɔvi Adam anwo zo mɔɔ kɔdwu Nowa anwo zo 4.1—5.32
Nowa nee azuyilɛ ne 6.1—10.32
Babelɔn Tawa tendenle ne 11.1-9
Ɔvi Hyɛm anwo zo mɔɔ kɔdwu Ebilam anwo zo 11.10-32
Mbusua ekpunli ekpunli ne mɔ mgbanyinli: Ebileham, Ayezeke, Gyekɔbo 12.1—35.29
Yisɔ abo zo amra 36.1-43
Dwosefi nee ɔ mediema mrenya ne mɔ 37.1—45.28
Yizilayɛma wɔ Yigyibiti 46.1—50.26
Селектирано:
Mɔl MUKENYE: NB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible in Nzema © Bible Society of Ghana, 1998.