Matai 1
1
Abanyenya ba Yesu
(Luk. 3,23-38)
1Kalata gwa kikolo kya Yesu Kristi, unnya Davidi, unnya
2Abrahamu. Abrahamu alinkumpapa Isaka; Isaka alinkumpapa Yakobu; Yakobu alinkumpapa Yuda nabamyabo;
3Yuda alinkumpapa Peresi na Sera mwa Tamari; Peresi
4alinkumpapa Hesroni; Hesroni alinkumpapa Aramu; Aramu alinkumpapa Aminadabu; Aminadabu alinkumpapa Naasoni;
5Naasoni alinkumpapa Salimoni; Salimoni alinkumpapa Boasi mwa Rahabu; Boasi alinkumpapa Obedi mwa Ruti; Obedi
6alinkumpapa Yese; Yese alinkumpapa untwa Davidi.
7Davidi alinkumpapa Solomoni munka-Uria; Solomoni alinkumpapa Rehoboamu; Rehoboamu alinkumpapa Abia;
8Abia alinkumpapa Asa; Asa alinkumpapa Yosafati; Yosafati
9alinkumpapa Yoramu; Yoramu alinkumpapa Usia; Usia alinkumpapa Yotamu; Yotamu alinkumpapa Ahasi; Ahasi
10alinkumpapa Hezekia; Hezekia alinkumpapa Manase; Manase
11alinkumpapa Amosi; Amosi alinkumpapa Yosia; Yosia alinkumpapa Yekonia nabamyabo, pakabalilo ka kusamikisigwa ukubuka mu-Babiloni.
12Panyuma bo basamikisigwe mu-Babiloni, Yekonia alinku-
13mpapa Salatieli; Salatieli alinkumpapa Zerubabeli; Zerubabeli alinkumpapa Abihudi; Abihudi alinkumpapa Eliakimu;
14Eliakimu alinkumpapa Azori; Azori alinkumpapa Sadoki; Sadoki alinkumpapa Akimu; Akimu alinkumpapa Eliudi;
15Eliudi alinkumpapa Eliezari; Eliezari alinkumpapa Matani;
16Matani alinkumpapa Yakobu; Yakobu alinkumpapa Yosefu undume gwa Maria, muli uyu apapigwemo Yesu uyu ikuyo-
17bigwa iya Kristi. Popapo lelo ingulilo syosa ukufuma pa Abrahamu ukufika pa Davidi sili kalongo na ina, ukufuma pa Davidi ukufika apa basamikisigwege mu-Babiloni sili kalongo na ina; kangi ukufuma apa basamikisigwege mu-Babiloni ukufika pa Kristi sili kalongo na ina.
Ukupapigwa kwa Yesu
(Luk. 2,1-7)
18Ukupapigwa kwa Yesu Kristi kwali bo uku: Bo unna Maria asingiligwe na Yosefu, bo bakali nukwegana, alinku-
19boneka ukuya nikifuba mmaka ga Mbepo Mwikemo. Loli Yosefu undume, papo ali mundu ungolofu, kangi papo akaliganile ukunjwelula, alinkulonda ukundekela mbutitu.
20Umwene bo ikwinogona sisisi, alinkwaga ugwandumi gwa Ntwa ikunsetukila munjosi ikumbula ikuti: Yosefu gwe nnya Davidi, ungatilaga ukumwega Maria unkasigo; namanga
21ikifuba kyake kya mmaka ga Mbepo Mwikemo. Umwene isakumpapaga umwana undumyana, yo gwisʼumpege ingamu ya Yesu, buno yo isakubapokaga abandu bake kumbibi syabo.
22Syosa sisisi sisaga ukuti mo simalikilege sisyo uNtwa asiyobelege munkunguluka ukuti:
23Keta undindwana isakwinogaga,
Isakumpapaga umwana undumyana,
Yo bisakumpaga ingamu ya Imanueli;
24ko kuti Kyala ali nanuswe. Umwene Yosefu bo alembwike ntulo, alinkukonga bo mumo andagilaga ugwandumi gwa
25Ntwa, alinkumwega unkasi; alinkusita nukummanya tasi, ukwisakufika papo ampapege umwana; yo alinkumpa ingamu ya Yesu.
Селектирано:
Matai 1: NYY
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Nyakyusa Ngonde New Testament (Ulwitikano Ulupya) © United Bible Societies, 1966.