Yohani 5
5
Umbine gwa pakisiba kya Betsaida
1Panyuma pali sisisi, kilinkuyapo ikyaka kya baYuda,
2yope Yesu alinkufyuka ukubuka mu-Yerusalemu. Mumo mu-Yerusalemu, pakipata kya ngʼosi, kilipo ikisiba iki nki-
3Hiburi bikuti Betsaida, kili namatembe mahano. Mo bagonangamo ababine ba bingi, nabafwamaso, naba bikukwema, naba balalile umbili, [aba bagulilaga ukusukanika kwa misi.
4Namanga ugwandumi asulukaga nkisiba ntubalilo ntubalilo, alinkugayugania amisi; lelo uyu linga atalilepo ukwingila mmisi bo gafumile pakuyuganika, abumbulukaga indamwa
5yosa iyi linga ali nayo.] Lelo alipo umundu yumo papo, uyu agonile nindamwa ifyinja amalongo matatu na lwele (38).
6Umwene Yesu bo ambwene alambalele, kangi bo amenye ukuti agonile papo akabalilo akatali, alinkundalusya alinkuti: Bule
7gwiganile ukubumbulusigwa? Popapo umbine alinkumwamula alinkuti: Malafyale, une ngaya numundu ugwa kumbika nkisiba bo amisi gikusukanika; apa linga nikuti mbuke une,
8uyungi ikundalilapo ukusuluka. Popapo Yesu alinkumbula
9alinkuti: Sumuka, pimbaga ubulili bwako, gwendege. Nakalinga umundu yula alinkubumbuluka, alinkupimba ubulili bwake, alinkubuka.
10Isiku lilyo pali po pa-Sabati. Popapo lelo abaYuda balinkumbula uyu abumbulusigwe balinkuti: Po pa-Sabati,
11sitikwitikisigwa ukuti upimbege ubulili bwako. Umwene alinkubamula alinkuti: Uyu ambumbulusyaga, yo ambulile
12atile: Pimbaga ubulili bwako, gwendege. Abene balinkundalusya balinkuti: Ywani umundu uyu akubulile atile,
13pimba gwendege? Loli umundu uyu abumbulusigwe, akalimmenye ukuti ywani, namanga Yesu aleganike, papo ikilu-
14ndilo kya bandu kyalipo papo. Panyuma pali sisisi, Yesu alinkumwaga mwa Tempeli, alinkumbula alinkuti: Keta, ubumbulwike lilino, ungatulaga inongwa kangi, ukuti singisa-
15kukwisilaga imbibipo ukukinda. Popapo umundu yula alinkubuka, alinkwakubabula abaYuda alinkuti: Yo Yesu uyu
16alimbumbulwisye. Panongwa iyi, abaYuda balinkumfwima
17Yesu, papo asibombile sisisi pa-Sabati. Umwene Yesu alinkubamula alinkuti: Tata ikubomba ukufika kulilino kuno,
18nanine nikubomba. Panongwa iyi, abaYuda balinkongelapo ukulonda ukuti bangoge, papo yikali yene yi ya komola Sabati, loli papo kangi atigi Kyala yo Tata; ipelaga mwene ukuya bo yu Kyala.
Yesu ikulingania ukuti ikubombela mmaka ga Gwise
19Popapo Yesu alinkubamula alinkuti: Naloliloli nikubabula une nikuti, uMwana akamanya ukubomba nakamo mwene, loli kene kako ikumbona uGwise ikubomba; buno kosa aka
20ikubomba yuyo, ko aka yope uMwana ikubomba. Namanga uGwise anganile uMwana, ikunnangisya syosa isi ikubomba yuyo; kangi isakunnangisyaga imbombo ingulumba ukuki-
21ndapo pali sisisi, ukuti umwe muswigege. Buno bo apa uGwise ikubasyusya abafwe nukubapa ubumi, mo mumo yope uMwana ikubapela ubumi aba iganile ukubapa.
22Buno uGwise atikundonga nayumo, loli ubulongi bosa ampele
23uMwana; ukuti bosa bamwimikege uMwana, bo mumo bikumwimikila uGwise. Uyu linga atikumwimika uMwana, yo atikumwimika na yu Gwise uyu antumile.
24Naloliloli nikubabula une nikuti: Uyu linga ikupilika ilisyu lyangu, nukumwitika uyu andumile une, yo ali nabo ubumi bwa bwila; yo atikwisapo pabulongelo, yo alobwike
25ukufuma mbufwe abukile mbumi. Naloliloli nikubabula une nikuti: Kikwisaga akabalilo, nalilino kalipo, apa abafwe bisakupilikaga ilisyu lya Mwana gwa Kyala, abene aba
26bapilike bisakuyaga bumi. Namanga bo apa uGwise ali nabo ubumi mmyake yuyo, bunobuno ampele yope nuMwana
27ukuya nubumi mmyake. Kangi ampele amaka aga kulongela,
28papo yo Nnyamundu yuyo. Syo munganyomokaga sisisi, buno kikwisaga akabalilo, apa bosa aba bali mmapumba
29bisakulipilikaga ilisyu lyake, po bende nukusoka; aba babombaga inunu bisakusyukilaga kubumi, naba babombaga imbibi bisakusyukilaga kukulongigwa.
Isisimikisyo isi sikunsisimikisya Yesu
30Une ngamanya ukubomba nakamo nimwene, muno nikupilikila mo mumo nikulongela; nubulongi bwangu bugolofu itolo, papo ndikubulonda ubwigane bwangu nimwene, loli
31ubwa uyu andumile. Linga nikwisisimikisya nimwene, ulu-
32sisimikisyo lwangu lukaya lwa naloli. Aliko uyungi uyu ikusisimikisya une, kangi menye ukuti ulusisimikisyo lwake,
33ulu ikusisimikisya une lwa naloli. Umwe mwatumile indumi
34kwa Yohani, umwene alinkusisisimikisya isya naloli. Ulusisimikisyo lwangu lutikufuma kumundu, loli nikubabula umwe
35sisisi ukuti mupokigwege. Umwene ali nyale iyi yikwaka nukumulika; loli umwe mwaliganile ukusekelapo panandi
36itolo ndumuli lwake. Loli ulusisimikisyo ulu ndi nalo une, lukulumba ukulukindapo ulwa Yohani. Namanga imbombo isi ambele Tata, ukuti usimalisyege, imbombo isi nikusibomba,
37syo sikusisimikisya une ukuti Tata andumile. Kangi na yu Tata uyu alindumile, yope asisimikisye une. Umwe mukapilikamo siku ilisyu lyake, nukumbonamo kope mukambonamo
38siku; lyope nisyu lyake likayamo mmyinu, papo uyu alintumile
39mutikumwitika. Mukulonda mwa bakalata, papo mukuti mo tukubwagaga ubumi bwa bwila; kabuno bo babo bikusisi-
40mikisya une. Pope umwe mukusita ukwisa kumyangu, ukuti
41muyege nubumi. Une ndikwambilila ulwimiko ukufuma
42kubandu, loli mbamenye ukuti mukaya nalo ulugano lwa
43Kyala nkati mmyinu. Une nisile mungamu ya Tata, loli umwe mutikunyambilila; linga uyungi ikwisila mungamu
44yake yuyo, yo mwisakumwambililaga. Po mubagile bulebule ukwitika, mwe mukupana ulwimiko mwe babo batupu, loli ulwimiko ulu lukufuma kwa Kyala, uyu ali yumoywene, lo
45mutikululonda? Munginogonaga ukuti une nisakubapaga inongwa kwa Tata, himma, uyu ikubapa inongwa umwe yo
46Mose, uyu mukunsubila umwe. Linga mwamwitikaga Mose, angali mukunyitika nanine, buno umwene asimbile isi siku-
47njoba une. Loli linga mutikusitika isi asimbile, po mwisakugitikaga bulebule amasyu gangu?
Селектирано:
Yohani 5: NYY
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Nyakyusa Ngonde New Testament (Ulwitikano Ulupya) © United Bible Societies, 1966.