OHÚTU 9
9
Okónu nɛ̄ Ɔwɔicō ce mla Unówa ā
1 #
Ohút 1.28
Ɔwɔicō lɛ ɔhā hɛ́ ce Unówa mɛ́mla ayí kú ɔlɛ́ nū, anɔ́ɔ ó da uwā kahíníī, “Áā ma ayí lɛwa kú aá nyīla ga odúúdú ɛcɛ ā. 2Aɛ́bɛ́ dúúdú mɛ́mla aígbáanɔ mɛ́mla aɛ́béenyi mɛ́mla aɔ́dā ō lɛ ipú piyajɛ géē yúúfi kú aá. N le uwá kpó bá ɛháajɛ ɔfú kú aá. 3Ɔdā dóódu nōo yēeyī ā géē wɛ ɔdōlé kú aá ɛ́gɛ́nɛ̄ ēpū mɛ́mla ɔdɛ̄hɔ̄ dóódu wɛ ɔdōlé kú aá ā. 4#Ulīf 7.26,27; 17.10-14; 19.26; Obla 12.16,23; 15.23Ɔdā nɛ̄ aá í gaá lé ŋ́ ōfōōfūnū ā wɛ ɛbɛ́ nēé ŋmó nēé fu oyī kú nū bónū ɛ́ɛ́ ŋ́. N lɛ ɛ̄nyā ci ohígbū ka oyī wɛ oyēeyī á. 5Ɔ̄cɛ dúúmā nōo lɛ ɔ̄cɛ ŋmó, n géē gwō ɔ̄ ɔ́ci. Ɛbɛ́ dóódu nōo lɛ ɔ̄cɛ ŋmó, n géē je ɔ́ ŋmó. 6#Oyɛb 20.13; Ohút 1.26N yá ɔ̄cɛ gbla ami nōo wɛ Ɔwɔicō ā, ohígbū ɔ́ɔmā ā, ɔ̄cɛ nōo lɛ ɔ̄cɛ ŋmó, ɔ̄cɛ ɔhá géē je ɔ̄cɛ ɔ́ɔmā ŋmó. 7#Ohút 1.28Aá ā, aá ma ayí alɛwa, cɛ́ɛ́ kú ayááyí kú aá kéē mīyɛ ɛga dóódu kú ɛcɛ tābɔ̄.
8Anɔ́ɔ Ɔwɔicō da Unówa, mɛ́mla ayí nū kahíníī, 9“Áá mɔ́ɔ̄, n yɔ̄ gē cokónu mɛ́mla aá mɛ́mla ayááyí aá, 10klla mɛ́mla odúúdú ɔdā ōyēeyī nēe bá pi aá ā, kwu aígbáanɔ mɛ́mla aɛ́na mɛ́mla aɛ́bɛ́ kú ipácí, nēe bá pi aá ā, ɛjɛ̄ɛ̄jī aɛ́nɛ̄ e bɛ̄cɛ ŋmá ipú úgbéenyi mɛ́mla aá ā. 11N lɛ okónu ce mla aá ka, éŋkpɔ̄ í gaá je odúúdú aɔ́dā oyēēyī ā yíífi igbohá ɛ́ɛ́ gɛ ŋ́. Éŋkpɔ̄ í gáā je ɛcɛ ā yíífi igbohá gbóógbóō ɛ́ɛ́ gɛ ŋ́.” 12Anɔ́ɔ Ɔwɔicō kahíníī, “Ɛ̄nyā géē wɛ ɔdā nōo géē cābɔ̄ kú okónu opiyóó nɛ̄ n ce mla aá mɛ́mla ɔdā dóódu nēe yēeyī ā á. 13N géē je ɔwɔ ohɔ́gwā kwu ipú ojuja, anɔ́ɔ ó í wɛ ɔdōcābɔ̄ kú okónu nɛ̄ n ce mla ɛcɛ ā á. 14Eko dóódu, nɛ̄ n kwú ojuja ú klá ɛcɛ nɛ̄ ɔwɔ le hɔ́gwā, 15n géē blakwu okónu nɛ̄ n ce mla awɔ mɛ́mla odúúdú ɔdā oyēeyī ā. Éŋkpɔ̄ í kē gáā cēenyi gáā je ɛcɛ yíífi igbohá ɛ́ɛ́ gɛ ŋ́. 16Eko dúú nɛ̄ ɔwɔ le hɔ́gwā ipū ɔkpáncō, n géē má ɔ̄ klla í blakwu okónu opiyóó nɛ̄ n ce mla odúúdú aɔ́dā oyēeyī, nōo yɔ̄ ɛcɛ ā.”
17Anɔ́ɔ Ɔwɔicō da Unówa kahíníī, “Ɛ̄nyā wɛ ɔdōcābɔ̄ kú okónu nɛ̄ n ce mla odúúdú aɔ́dā oyēēyī, nēe lā ɛcɛ ā á.”
Unówa mɛ́mla ayípɛ̄ ɔlɛ́ nū
18Ayínɔ̄nyīlɔ kú Unówa, nēe wɛ̄ɛcɛ ŋmá ipú úgbéenyi mla anú ā wɛ Ussɛ́m, Uhám mɛ́mla Ujáfɛ̄ti. Uhám wɛ ádā kú Ukénan. 19Ayínɔ̄nyīlɔ kú Unówa ɛtá ā wɛ aádáádā kú odúúdú ācɛ kú ɛcɛ á.
20Unówa, nōo wɛ ɔglɛ́ɛjí ā wɛ ɔ̄cɛ aflɛ́yí nōo hɛ́ɛ́hɔ̄ kú ufáyin á. 21Anɔ́ɔ ó le ejé ɔcí nēé hī ka ufáyin ā gwá á. Ejé ā le ɔ́ kwú, anɔ́ɔ ó mā tóohɛ́ɛwa gwutá ipú áklɔ̄kpɛ kú nū á. 22Eko nɛ̄ Uhám nōo wɛ ádā kú Ukénan ā má ka ádā anúɔ ɔ́ɔ tóohɛ́ɛwa ā, ó le tɛ́ɛcɛ gaá le da ayínɛ́ nū. 23Anɔ́ɔ Ussɛ́m mɛ́mla Ujáfɛ̄ti lɛ īlī kpó, kwú īlī á ú pīya klla ɔkɔ kú uwā ɛpɛlɛ́ɛpa. Anɔ́ɔ é yāwu igbīīgbīhi gaá le īlī ā pīya klá ádā uwā iyē á. É le eyī kú uwā pīya tá ɛga ɔhá kéē má ohɛ́ɛwa kú ádā uwā ŋ́. 24Eko nɛ̄ Unówa le héyī, nɛ̄ ejé le cá ŋmá ɔ̄ eyī, ó klla le ɔdā nɛ̄ ɔyí nū nɛ̄ŋ́cɛ́ ā yá ā jé. 25Anɔ́ɔ ó kahíníī,
“N le okónu tá lɛ Ukénan!
Ó géē wɛ ɔfīyɛ kú ayínɛ́ nū.
26Ó klla kahíníī,
Óndú ā, nōo wɛ Ɔwɔicō kú um ā, kóō hɔ́hā ce Ussɛ́m! Ukénan kóō wɛ ɔfiyɛ kú nū.
27Ɔwɔicō kóō yá kú Ujáfɛ̄ti#9.27 Ujáfɛ̄ti. Ɛyí kú iyē nyā okónu Uhíbru wɛ “oōnyīla” kóō nyīla.
Ipɔ́ɔma kú nū kóō lā ɔlɛ́ Ussɛ́m.
Ukénan géē wɛ ɔfiyɛ kú Ujáfɛ̄ti.”
28Igbīhi kú éŋkpɔ̄ nōo kpó ɛcɛ ā, Unówa lā iháyí ofigwáahāapa ce igwó, 29eko nōó le pīya iháyí úlā ɛpa ce ofahāapa ce igwó ā, ó gekwú.
Селектирано:
OHÚTU 9: IFBCL
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се