OKUBANZA 9
9
1Kandi Ruhanga akaha omugisa Nuha na batabanibe, yabagambira ati muzalege, mukanyege, mujjuze ensi. 2Kandi okutina nywe nokwekanga habwanyu kurabaga ha bisoro byona ebyensi, kandi na nyonyi zona ezomu mwanya; kandi ha byona ebiijuza obwe’re nencu zona ezomu nyanja, bihairweyo omu mukono gwanyu. 3Ebintu byona ebyomezi ebirikugenda biriba ebyokulya namberemuli; nkobunyansi abubisi nukwo mbahaire byona. 4Baitu enyama hamu nobwomezi bwayo, niyo sagama yayo, mutaligirya. 5Kandi mazimakwo esagama yanyu eyobwomezi bwanyu, ndigijunana hali kisoro kyona ndigijunana: na hali omuntu, hali mwene wabu omuntu, wena, ndijunana obwomezi, bwomuntu. 6Omuntu wena obwalisesa esagama yomuntu, esagamaye eriseswa abantu, baitu omu kusisana kwa Ruhanga nukwo yakozire omuntu. 7Nainywe muzalege, mukanyege, mweyongerege, okuzara omu nsi, kandi musage omu.
8Ruhanga yagambira Nuha na batabanibe hamu nauwe ati 9Nanyowe dora, ningumya ekiragano kyange nainywe, kandi habaijukuru banyu hanyuma 10yanyu; kandi ebintu byona ebyomezi ebiri hamu nainywe, enyonyi, nente, nebisoro, byona ebyensi hamu nainywe, byona ebituruka omu bwato ebisoro byona ebyensi. 11Kandi ndigumya ekiragano kyange nainywe; kandi byona ebinyina omubiri tibirigaruka obundi okuhwerekerezibwa amaizi agokusandara; kunu tiharigaruka obwakabiri okusandara kwa maizi okuhwerekereza ensi. 12Ruhanga yagamba ati Kanu niko kokurora’ho akekiragano ekindikuragana nyowe nainywe, ebintu byona ebyomezi ebiri hamu nainyowe, okuhikya obusinge obutarihwaho: 13ntaireho omuhanganzima gwange ha kicu, kandi gurabaga akokuro’raho akekiragano ekindagaine nensi. 14kandi kirahikaga obundaletaga ekicu ha nsi, omuhanganzima gurazokaga ha kicu, 15Kandi ndijukaga ekiragano kyange ekindaigine nyowe nainywe nebihange byona ebyomezi ebinyina omubiri gwona; namaizi tigarigaruka obundi okusandara okuhwerekereza omubiri gwona. 16Nomuhanganzima gurabaga ha kicu; nanyowe ndaguroraga, nyijukege ekiragano ekitarihweho, Ruhanga ekiyaragaine nebihange byona ebyomezi ebinyina omubiri gwona ebiri hansi. 17Ruhanga yagambira Nuha ati Kanu niko kokuro’raho akekiragano ekingumizeho hali nyowse na hali byona ebinyina omubiri ebiri ha nsi.
18Batabani ba Nuha, abaturukire omu bwato, nibo Semu na Hamu na Yafesi: kandi Hamu nuwe ise Kanani. 19Abo basatu nibo batabani ba Nuha: kandi abaijukuru babu nibo bahikire omu nsi yona.
20Kandi Nuha atakatandika okulima, yabyara orugonjo orwemizabibu: 21yanywa ha marwa yatamira; yajuruka omu hemaye omunda. 22Kandi Hamu nuwe ise Kanani yarora enjuro ya ise, yatebeza bagenzibe ababiri abakaba bali aheru. 23Kandi Semu na Yafesi batwara ekyokujwara bakita ha mabega gabu bombi, bagenda ekinyumanyuma, basweka enjuro ya isebo; namaiso gabu gakaba gahindukire, kandi baterole enjuro ya isebo. 24Kandi Nuha yatami’ruka, yamanya omwanawe omuto ebiyamukozire. 25Yagamba ati
Kanani akyenwe:
Arabaga omuiru wabairu hali bagenzibe. 26Kandi yagamba ati
Asimwe MUKAMA Ruhanga wa Semu
Kandi Kanani abege omuiruwe.
27Ruhanga akanyise Yafesi,
Kandi aikalege omu hema za Semu;
Kandi Kanani abege omuiruwe.
28Kandi Nuha yayomera emyaka bikumi bisatu mwatano okusandara kwamaizi kuhoireho. 29Nebiro byona bya Nuha bikahika emyaka rwenda mwatano: yafa.
Селектирано:
OKUBANZA 9: BRR64
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible in Runyoro-Rutooro 1964 Version © Bible Society of Uganda, 1964.