Kuyamba 4
4
Kayini na Abhelo
1Tsapano Adhamu adadziwa nkazi wake Eva, iye adaphata pathupi nkubala Kayini, adati, “Ndabala munthu, ndathandiziwa na Chawuta.” 2Adazabala pomwe m'bale wake waadapasa dzina lakuti Abhelo. Abhelo akhachengeta mabila, Kayini adawa mulimi padziko. 3Nakufamba kwanthawe Kayini adayendesa ntsembe yake kwa Chawuta kuchoka kumichelo yapantsi, 4#Ahe 11:4Abhelo adayendesambo chakuyamba chamabila yake, nabzipindi bzakununa bzachifuwocho. Chawuta adakondwa na Abhelo nantsembe yake, 5Chawuta alibe kutambila Kayini nantsembe yake. Pamwepo Kayini adakalipa kwene-kwene, nkudodomesa pamaso. 6Chawuta adati kwa Kayini, “Thangwe lanyi kukalipa? Thangwe lanyi kudodomesa nkhope? 7Ko ukachita bwino ungaleke kutambiliwa? Ukaleka kuchita bwino, chakuyipa chinkutsandila pansuwo chichifuna iwepo, koma iwe unfunika kukunda.”
8 #
Mat 23:35; Luk 11:51; 1 Yoh 3:12 Kayini adati kwam'bale wake Abhelo, “Tiyende n'thengo,” paakhali n'thengomo, Kayini adasandukila m'bale wake Abhelo, nkumupha.
9Pamwepo Chawuta adati kwa Kayini, “M'bale wako Abhelo ali kuponi?” Iye adati, “Nin'dziwa lini kuti ali kuponi. Ko ine ndine nin'chengeta m'bale wangu?”
10 #
Ahe 12:24
Chawuta adati, “N'chinyi chawachita? Fala lagazi lam'bale wako lili kulila kwayine kuchoka pantsi. 11Tsapano watembelelewa mudziko lino, lidamwa gazi lam'bale wako wawudapha namanja yako. 12Pawun'zalima mudongo limwelo un'zakolola lini. Un'zawa munthu wakuzungayila wakundofamba padziko.”
13Kayini adati kwa Chawuta, “Chilango chamwandipasa n'chikulu, nin'chikwanisa lini kuchitakula. 14Lelo mwandithamangisa padziko, ndachoka patsogolo panu, ndaakuzungayila ndikundofamba-famba nadziko. Munthu wentse an'gumana nayine an'zandipha.”
15Chawuta adati kwayiye, “Ntenepo lini! Munthu wentse anipha Kayini, an'zalangiwa kadapetewa kanomwe.” Chawuta adayikha chilatizo pa Kayini, kuchitila kuti munthu aninga wamuwona aleke kumupha. 16Kayini adachoka patsogolo pa Chawuta, nkuyenda kakhala kudziko la Nodhi#4:16 Fala lakuti Nodhi bzinilewa kuti, kuzungayila. chakumabveladzuwa kwa Edheni.
M'badwe wa Kayini
17Kayini adadziwa nkazi wake, iye adaphata pathupi nkubala Enoki. Adamanga guta, guta limwelo adalipasa dzina lamwana wake wachimuna, Enoki. 18Enoki akhali apayi wa Iradhi, Iradhi akhali apayi wa Mehuyaeli, Mehuyaeli akhali apayi wa Metusayeli, Metusayeli akhali apayi wa Lameki. 19Lameki akhana akazi awili, wakuyamba akhachitiwa Adha, wachiwili akhachitiwa Zila. 20Adha adabala Jabhali, uyo akhali payi wawanthu akhakhala m'matenti, akhafuwa bzifuwo. 21Dzina lam'bale wake likhachitiwa Jubhali, uyo akhali payi wawanthu aniliza banjo namitolilo. 22Zila adabala Tubhali Kayini, uyo akhakonza bzinthu bzentse bzankuwa nabzasimbi. Nana wa Tubhali Kayini akhachitiwa Naama.
23Lameki adati kwaazikazi wake,
“Adha na Zila, ibvani fala langu!
Imwe azikazi wa Lameki tetekeleni bzandikulewa ine!
Ine ndidapha munthu, adandipweteka,
mwamuna waching'ono nathangwe lakundimenya!
24Peno munthu anipha Kayini anilangiwa kadapetewa kanomwe,
munthu anipha lameki an'zalangiwambo kadapetewa makumi manomwe nanomwe.”
Seti na Enoki
25Adhamu adadziwa pomwe nkazi wake, nkubala mwana wachimuna waadapasa dzina lakuti Seti, iye adati, “Mulungu wandipasa pomwe mwana pambuto ya Abhelo ule adaphewa na Kayini.” 26Seti adabala mwana wachimuna waadapasa dzina lakuti Enoshi. Nthawe imweyo wanthu adayamba kuchemela dzina la Chawuta.
Селектирано:
Kuyamba 4: KUNDA
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bhaibheri reChikunda © Bible Society of Zimbabwe