Tabekacane 6
6
Ngialisiane ka umawmase
1Sa edhalenga ku umawmase si alraelrenga kai kawmasane, si tulalalalakenga. 2Sakamani kwidra yakai kwidra “Lalalake ki twaumase#6.2 “Lalalake ki twaumase” ku wahunyake madu iya kai “lalalake ki latwaumase”, “lalake ki Twaumase”, “abulru ka umawmase”.” la drele ki lalalake ki umawmase kwidra ki labaibai ka tathaithariri, la ngisasingikaai ku kadalame lini si mwa sitaelrelre liniane. 3Lakamani, ku Tamatama amia kai, “Kai umawmase yai swakai ki beate, kai Rili kai lri apalralrawthu ikai adringi liniane; lakamani kai caili lini kai lri dulru palribate ki tara 120 ka caili.” 4Twalainga kwini, kai kadaengane yakai ku tadradrau ka umawmase mutaluvaivai. Kwini lalasu yai amani kwidra mwabaibalrithi ki “Lalalake ki Twaumase” si lalalake ki umawmase ka ababai; kai lalasu amani ku tamagarange si kiamatikaikai ka umawmase sakanadruma.
5Ku Tamatama sadrele ki laumawmase samakitu ngilisiane ku kidremedreme, 6la kasamadre ku tabekacaneini ki umawmase pikai kawmasane. La kwalri tubi ku kidremedreme, ku Tamatama la iya kai, 7“Lri patwaladhaku kai ki kadaengane amudu kai ki bekaceli ka umawmase, la mialri amudu ki bulabulai, wagulagulai si adhadhame, asi lwiyane masamadraku kai tabekacaneli kai ki waudriwdripi.” 8Ai ku Tamatama kiaragai ki Nua.
Abulru ki Nua
9-10Kikai tali lebe yai abulru pangukai ki Nua: Ku Nua tatulru ku sawvalai ku lalake, Seme, Hame, Yapethe. Ku Nua kadrwa ku pwalane, ikai kwini ki zidai kathane ku mwalecege ka umawmase; makiasudaalru ki Twaumase. 11Ku drumane ku umawmase yadrepele ka tanganganga lu drele ku Twaumase; kai kawmasane yainu kidruanga ku malrumalrumalrumai. 12Ku Twaumase la paswalebe drele kawmasane, la drele kawmasane ka ngialisianenga, ku tangivelevelane si kakwakudhane ki umawmase ngialisianenga turamuru.
13Ku Twaumase amia kai ki Nua, “Malrithethengaku ku amudane ki laumawmase. Kai kawmasane swaeteanenga ku tapasalrivane lini, lri pakarededelaku liniane kai kawmasane amudu. 14Kusu pilria si arakai ku mathariri ka angatu, la ngipapasikai darepe ku vaeva ku varukuru; kwini adringi ki varukuru lri pagiagiagisisu ku taikaikaiyane, tali adringi si tali latadre la drisisi ku keretange. 15Ku lragiane ki varukuru 133 ka mituru, ku ngulapane 22 ka mituru, ku ubelengane 13 ka mituru. 16Ku varukuru lri ikai ku lribange#6.16 “lribange” ku wahunyake madu iya kai “talrugulrugane ki varukuru”.; ku lribange lri mararaisi ki talrugulrugane ki varukuru, ku ubelengane yai 44 ka kunhunge. Ku adringi ki varukuru lrika situlrulu macuculrudu, ku babiabila ki varukuru lri ikai ku lrawlrawdru. 17Lri patelebaku palriau kai ki kadaengane, amudu demedeme ki waudriwdripi. Kai kadaengane pademedeme lri kamudu. 18Ai lri kiketeketaku muswane; lri ilukusu ki taelrelresu, lalalakesu, lakiathareve mwadringi ki varukuru. 19-20La lri mialrisu malra ki makaelaela ka nilapulapwane, wagulagulai, adhadhame paececebe, ku sawvalai si ababai iluku mwa adringi ki varukuru, lani kipalakebe ku niake lini. 21La padulrua sekete ku makaelaela ku akaneane numi si waudriwdripi.” 22Ku Nua la singikai ku tapadrekadrekasane ki Twaumase nguvavaeeva pangimia.
Селектирано:
Tabekacane 6: NDV
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© The Bible Society in Taiwan, 2017
All rights reserved
© 臺灣聖經公會版權所有，2017