Рута Вовед
Вовед
Книгата Рута со својата содржина нѐ враќа во времето кога судиите управуваа со народот на Израел. Составена е подоцна, но е особено тешко прецизно да се определи кога точно настанала.
Основната цел на ова дело е да се покаже како една жена туѓинка влегла меѓу Божјиот народ. Главниот акцент е ставен на примерот на приврзаноста на Моавката Рута кон семејството на нејзиниот маж, но и кон Израеловиот Бог, како и начинот на кој Бог ја наградува таа приврзаност. Неволјата во која запаѓаат двете жени, Рута и нејзината свекрва Ноемина, постепено се претвора во благосостојба. Делото е напишано со многу свежина и претставува трогателен пример за искрената приврзаност меѓу луѓето, од една страна, и постојаноста во верата кон Бога, од друга.
Раѓањето на синот на Рута е кулминациска точка на делото; се работи за идниот дедо на цар Давид. Припаѓајќи меѓу предците на Давид, истовремено Рута се вбројува и во Исусовото родословие (Мт 1,5).
Селектирано:
Рута Вовед: MK2006
Нагласи
Сподели
Копирај
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fmk.png&w=128&q=75)
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006