Псалми 122:1-9

Се зарадував кога ми рекоа: „Да оди­ме во домот Господов!“ Ете, нозете наши стојат во твоите дворови, Ерусалиме, – Ерусалим, кој е изграден како град, излиен во една целина. Таму се искачуваат племињата, Гос­подовите племиња, сведоштвото Изра­елско, за да се слави името Гос­подово. Зашто таму се поставија престолите судиски, престолите на домот Давидов. Молете се за мир за Ерусалим и нека им биде добро на оние, кои те сакаат! Нека има мир околу ѕидовите твои и спокојство во кулите твои. Поради браќата мои и блиските мои ќе речам: „Мир во тебе!“ Заради домот на Господ, нашиот Бог, ти пожелувам добро.