Матеј 8:23-27

И кога влезе во коработ, по Него влегоа и учениците Негови. И ете, голема бура го зафати морето, така што брановите го покриваа ко­работ, а Тој спиеше. Тогаш се приближија учениците до Него, Го разбудија и рекоа: „Господи, спаси нѐ, загинуваме!“ А Тој им рече: „Зошто сте толку плашливи, маловерни?“ Потоа стана, им се закани на ветровите и на морето, и настана голема тишина. А луѓето се зачудија и рекоа: „Кој е Овој, та и ветровите и морето Му се по­коруваат?“