Лука 21
21
За дарот од една вдовица
(Мк 12,41-44)
1Кога ги подигна очите, виде како богатите ги пуштаат своите прилози во касата на храмот. 2Виде исто така и една бедна вдовица, која пушти таму две лепти, 3#2 Кор 8,12па рече: „Вистина ви велам, оваа бедна вдовица од сите повеќе приложи; 4сите овие дадоа прилози на Бога од својот вишок; таа, пак, пушти од својата немаштија – сиот имот што го имаше.“
Исус го најавува разурнувањето на храмот
(Мт 24,1-2; Мк 13,1-2)
5И додека некои зборуваа за храмот, дека е украсен со убави камења и заветни дарови, Тој им рече: 6#19,44; Ер 7,12-15; 26,1-19; Ез 8–11; Мих 3,12; Мт 26,61; 27,40; Мк 14,58; Дела 6,14„Ќе дојде време и од сето ова што го гледате нема да остане ни камен, што не ќе биде урнат.“
Блиски и далечни знаци на Судот
(Мт 24,3-8; Мк 13,3-8)
7 #
17,20; Дела 1,6 И Го прашаа, говорејќи: „Учителе, а кога ќе биде тоа и каков е знакот дека тоа почнува да се случува?“ 8#17,23; Ер 14,14; 1 Јн 2,18Тој рече: „Внимавајте да не ве прелажат! Зашто мнозина ќе дојдат под Мое име и ќе зборуваат дека сум Јас, и дека времето се приближи. Но, не одете по нив! 9#Дан 2,28А кога ќе чуете за војни и бунтови, не плашете се; сето тоа треба најнапред да се случи, но крајот нема да дојде веднаш.“ 10#Ис 19,2; 2 Лет 15,6Тогаш им рече: „Ќе се крене народ против народ и царство против царство; 11а на некои места ќе има и големи потреси, и глад и помор; ќе има страотни појави и големи знаци на небото.
Претходните прогонства и сведоштво
(Мт 10,17-22; Мк 13,9-13)
12 #
12,11; Јн 16,2 А пред сето тоа ќе стават раце на вас и ќе ве изгонат, предавајќи ве во синагогите и затворите, и ќе ве водат пред цареви и управници, заради Моето име. 13#24,48; Дела 1,8; Фил 1,12-13И тоа ќе ви биде вам прилика за сведоштво. 14#12,11-12И затоа врежете во вашите срца, да не размислувате однапред што ќе одговорите, 15#Јн 14,18; Дела 6,10зашто Јас ќе ви дадам уста и мудрост, на која не ќе можат да ѝ противречат ниту да ѝ се противстават сите ваши противници. 16#11,49Ќе бидете предадени исто така и од родители, и од браќа, и од роднини и од пријатели, а некои од вас ќе бидат и убиени; 17#Јн 15,18-21и ќе бидете намразени од сите, заради Моето име. 18#12,7; 1 Сам 14,45; Мт 10,30; Дела 27,34Но, ни влакно од главата ваша нема да загине; 19#8,15; Мт 10,22; Евр 10,36; Откр 2,7со трпение ќе си ги придобиете душите.“
Исус го најавува разурнувањето на Ерусалим
(Мт 24,15-21; Мк 13,14-19)
20 #
19,43; 23,28-31 „А кога ќе го видите Ерусалим опколен од војски, знајте дека е блиску неговото запустување. 21#17,31Тогаш, оние што се наоѓаат во Јудеја, нека бегаат во планините; и кои се во градот, да излезат од него; а кои се по околните места, нека не влегуваат во него, 22#5 Мојс 32,35; Ис 34,8; Ер 46,10; Ос 9,7зашто тоа е времето на одмазда, во кое ќе се исполни сѐ што е напишано. 23#1 Кор 7,26Но тешко на бремените и доилките во тие дни, зашто голема мака ќе има по земјата, и гнев врз овој народ; 24#5 Мојс 28,64; Ис 63,18; Ер 21,7; Пс 79,1; Дан 8,13; 9,26; Езд 9,7; Рим 11,25; Откр 11,2и ќе паднат од сечилото на мечот, и ќе бидат одведени во плен меѓу сите народи; а Ерусалим ќе го газат незнабошци, сѐ додека не се исполнат времињата на незнабошците.“
Доаѓањето на Синот Човечки
(Мт 24,29-31; Мк 13,24-27)
25 #
Ис 13,10; Ез 32,7; Јоил 2,10; 3,3-4; Пс 46,2-3; 2 Птр 3,10; Откр 6,12-13 „И ќе има знаци на сонцето, и на месечината и на ѕвездите, а на земјата – тага кај народите од неизвесноста и од бучењето на морето, и од брановите; 26#Ис 34,4; Агеј 2,6.21луѓето, пак, ќе умираат од страв и од исчекување на она што ќе го снајде светот, зашто и силите небесни ќе бидат разнишани. 27#Дан 7,13; 7,14; Мт 26,64; Евр 10,37; Откр 1,7И тогаш ќе Го видат Синот Човечки како доаѓа на облаци, со голема сила и слава.
Наближувањето на Царството Божјо
(Мт 24,32-35; Мк 13,28-31)
28 #
1,68; Рим 8,23; 13,11; Кол 1,14 А кога ќе почне тоа да станува, исправете се и подигнете ги главите свои, зашто се приближува вашето избавување.“ 29И им ја кажа оваа парабола: „Погледнете ја смоквата и сите дрвја; 30кога ќе видите дека потеруваат, сами знаете дека летото е веќе близу. 31#9,27; 10,11Па така, кога ќе видите дека станува ова, знајте дека се приближи царството Божјо. 32Вистина ви велам, нема да помине овој род, додека не се исполни сето тоа. 33#16,17; Мт 5,18Небото и земјата ќе поминат, но зборовите Мои нема да поминат.“
Неопходно е да се биде буден
34 #
8,14; 17,27-28; Изреки 23,20; Мт 24,48-50; Мк 4,19; 1 Сол 5,3.6-7 „Само пазете се: вашите срца да не бидат натежнати од прејадување и пијанство, и тегобни грижи за овој живот, за да не ве затекне оној ден ненадејно; 35#Ис 24,17зашто тој ќе дојде како стапица за сите што живеат по целата земја; 36#18,1; Мт 24,42; 25,13; 1 Птр 4,7; Откр 6,17бидете будни во секое време и молете се, за да го избегнете сето она што треба да се случи и да застанете пред Синот Човечки!“
Последните денови на Исус во храмот
37 #
19,47; 22,53; Мк 11,1.11.19; Јн 18,20 Дење проповедаше Тој во храмот, а ноќе излегуваше и ноќеваше во гората наречена Маслинова. 38И сиот народ доаѓаше наутро кај Него во храмот, за да Го слуша.
Селектирано:
Лука 21: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006
