Дела 28
28
Павле на островот Мелит
1 #
27,26-27
И тогаш, откако се спасивме, дознавме дека островот се вика Мелит#28,1 Малта. 2А мештаните ни укажаа необична човекољубивост: нѐ примија сите и, бидејќи врнеше дожд, беше студено, та накладоа оган. 3А кога Павле насобра многу гранки и ги стави на огнот, една змија излезе од гранките поради горештината и се впи во неговата рака. 4Мештаните, штом го видоа животното како виси на неговата рака, меѓу себе си рекоа: „Овој човек е навистина убиец; па затоа, иако се избави од морето, судот Божји не го остави да живее.“ 5#Мк 16,18Но тој ја истресе змијата во огнот и ништо лошо не му стана. 6#14,11А тие очекуваа да се појави оток, или, пак, веднаш да падне мртов; но, бидејќи чекаа долго време и видоа дека не му стана никакво зло, тие си го променија мислењето и велеа дека е тој бог. 7#16,15; 28,14Околу тоа место се наоѓаа имотите на началникот на островот, по име Поплиј. Тој нѐ прими и три дни пријателски нѐ гоштеваше. 8#Лк 4,38; Јк 5,14А таткото на Поплиј се разболе и лежеше, страдајќи од треска и болки во стомакот. Павле влезе кај него, се помоли и, положувајќи ги рацете свои врз него, го исцели. 9#5,15-16; 8,7Тогаш, и другите од островот, што страдаа од болести, доаѓаа и се исцелуваа. 10Тие нѐ почитуваа многу и нѐ удостоија со големи почести, а пред заминување нѐ снабдија со сите потребни работи.
Павле пристигнува во Рим
11По три месеци отпловивме со еден александриски кораб, што беше презимил на тој остров и носеше знак Диоскури. 12И стигнавме во Сиракуза, каде што останавме три дена. 13Оттаму отпловивме и пристигнавме во Ригија; а по еден ден дувна југот и на идниот ден стасавме во Потиоли; 14#20,6; 21,4таму најдовме браќа, по чија молба кај нив останавме седум дена. И потоа тргнавме за Рим. 15Тамошните браќа, штом чуја за нас, излегоа да нѐ пресретнат до Апиевиот плоштад и до Трите крчми. Кога ги виде Павле, Му заблагодари на Бога и се ободри. 16#24,23; 28,30Штом стигнавме во Рим#28,16 Во некои ракописи на ова место е додадено: стотникот му ги предаде затворениците на војводата., на Павле му беше допуштено да живее одделно, но под стража на еден војник.
Павле проповеда во Рим
17 #
21,33; 22,24; 25,8 По три дни Павле ги повика првенците јудејски и кога се собраа, тој им зборуваше: „Мажи браќа, иако не направив ништо против народот или татковските обичаи, од Ерусалим ме предадоа окован во рацете на Римјаните. 18#26,32И, откако ме судеа, сакаа да ме пуштат, зашто во мене не најдоа никаква вина што заслужува смрт; 19#25,11-12.21-25но, бидејќи Јудејците се противеа, бев принуден да барам суд пред царот; но не за тоа да го обвинувам во нешто својот народ. 20Поради тоа и ве повикав да се видиме и да позборуваме; зашто заради надежта на Израел сум окован во овие ланци.“ 21А тие му одговорија: „Ние ниту писма сме добиле за тебе од Јудеја, ниту, некој од браќата дошол да нѐ извести или нешто лошо да каже за тебе. 22Но ние сакаме да чуеме од тебе лично што мислиш ти за тоа; зашто познато ни е дека на тоа учење насекаде се противречи.“ 23#20,25; 28,31И откако му определија ден, големо мноштво дојде во неговото определено живеалиште, и тој од утрото до вечерта со докази им го изложуваше учењето за царството Божјо и ги уверуваше за Исус и од Законот Мојсеев и од Пророците. 24#17,2.11Едни се убедија од зборовите негови, а други не поверуваа. 25#23,7; Лк 24,27.44Бидејќи беа несложни меѓу себе, тие почнаа да се разотидуваат; и во тоа време Павле им ги кажа овие зборови: „Добро им рекол Духот Свети на татковците ваши преку пророкот Исаија, велејќи: 26#Ис 6,9-10; Мт 13,14-15‚Оди и кажи му на овој народ: со уши ќе чуете, и нема да разберете, со очи ќе гледате, и нема да видите, 27зашто срцето на овие луѓе закоравело, та со ушите мачно слушаат, а очите свои ги затвориле, па некако со очите да не видат и со ушите да не чујат, и со срцето да не разберат, и да не се обратат, за да ги исцелам.‘ 28#13,46; 18,6И така, нека ви биде познато дека спасението од Бога им е испратено на незнабошците, тие и ќе чујат.“ 29Кога го рече тоа, Јудејците се разотидоа со голема препирка меѓу себе. 30#28,23Павле остана таму цели две години во посебно најмена куќа и ги примаше сите, што доаѓаа кај него, 31#19,8; 20,25; 28,23проповедајќи го царството Божјо и учејќи за Господ Исус Христос наполно слободно, и никој во тоа не го спречуваше.
Селектирано:
Дела 28: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006