1 Самоилова Вовед
Вовед
Пророкот Самоил, според кого се наречени оваа и следната книга, е последниот судија, од редот на оние кои Бог ги беше поставил да владеат со Неговиот народ во едно време полно со опасности. Во тој преоден период на владеење Самоил извршува двојна служба, политичка и верска (1–7). Израелскиот народ не е повеќе задоволен од повремените посредувања, односно интервенции на судиите и тежнее кон институција со многу поредовна политичка власт. Макар што пројавува извесна воздржаност, на барање на народот и по Божја заповед, Самоил мора да го изврши она што се бара од него, да го прогласи Саул за цар (8–10). Со него започнува периодот на царствата. Но не поминува многу време, а Саул се впушта во беззаконие и отстапува од Бога, и Бог му ја откажува поддршката (11–15). Бог го одбира младиот Давид, кој најнапред стапува во служба кај Саул и така од поблизу се запознава со животот на царскиот двор. Но набргу потоа е принуден да бега и да се крие од Саул кој сака да го убие. Развојот на собитијата од 16 до 30 глава го разоткрива постепеното пропаѓање на Саул, наспроти моќта на Давид која е во пораст. Книгата завршува со смртта на Саул и неговите синови во текот на една битка против Филистејците (31).
Оваа книга опоменува дека единствено Бог може да биде вистинскиот цар над луѓето. Законската власт над народот може да ја извршува само оној, кој наполно прифатил да биде потчинет на единствената власт која Му припаѓа на Бога.
Селектирано:
1 Самоилова Вовед: MK2006
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006