उत्पत्ति 5
5
आदमंनिसें नोआतकया वंशावली
१ इति १:१-४
1आदमया सन्तानयागु धलः थुकथं दु, परमेश्वरं मनूया सृष्टि यानादीबलय् वय्कलं इमित थःगु हे ख्वाःलसि वयेक दय्कादिल। 2वय्कलं इमित मिजं व मिसा दय्कादिल। अले आशिष बियादिल। वय्कलं इमित “मनू” धकाः नां तयादिल।
3सच्छि व स्विदँ दुबलय् आदमया थःथें तुं च्वंम्ह काय् बुल। वं वयागु नां शेत तल। 4अनंलि आदम ८०० दँ तक म्वात। वया मेमेपिं नं काय्पिं व म्ह्याय्पिं बुल। 5थुकथं आदम ९३० दँ तक म्वानाः सित।
6शेत १०५ दँ दुबलय् वया एनोश धाःम्ह काय् बुल। 7अनंलि शेत ८०७ दँ तक म्वात। थुलिया दुने वया मेमेपिं नं काय्पिं व म्ह्याय्पिं बुल। 8थुकथं शेत ९१२ दँ तक म्वानाः सित।
9एनोश ९० दँ दुबलय् वया केनान धाःम्ह काय् बुल। 10अनंलि व मेगु ८१५ दँ म्वात। वया मेमेपिं नं काय्पिं व म्ह्याय्पिं बुल। 11थुकथं एनोश ९०५ दँ तक म्वानाः सित।
12केनान ७० दँ दुबलय् वया महलालेल धाःम्ह काय् बुल। 13अनंलि व मेगु ८४० दँ म्वात। वया मेमेपिं नं काय्पिं व म्ह्याय्पिं बुल। 14थुकथं केनान ९१० दँ म्वानाः सित।
15महलालेल ६५ दँ दुबलय् वया येरेद धाःम्ह काय् बुल। 16अनंलि व मेगु ८३० दँ म्वात। वया मेमेपिं नं काय्पिं व म्ह्याय्पिं बुल। 17थुकथं महलालेल ८९५ दँ म्वानाः सित।
18येरेद १६२ दँ दुबलय् वया हनोक धाःम्ह काय् बुल। 19अनंलि व मेगु ८०० दँ म्वात। वया मेमेपिं नं काय्पिं व म्ह्याय्पिं बुल। 20थुकथं येरेद ९६२ दँ म्वानाः सित।
21हनोक ६५ दँ दुबलय् वया मतूशेलह धाःम्ह काय् बुल। 22अनंलि व ३०० दँ तक परमेश्वरं धाःथें जुइम्ह जुयाः जुल। वया मेमेपिं नं काय्पिं व म्ह्याय्पिं बुल। 23हनोक मुक्कं ३६५ दँ म्वात। 24वं म्वातले परमेश्वरं धाःथें यानाः जुल। अले व तना वन छाय्धाःसा परमेश्वरं वयात थःनापं यंकादिल।
25मतूशेलह १८७ दँ दुबलय् वया लेमेक धाःम्ह काय् बुल। 26लेमेक बुइधुंकाः मतूशेलह ७८२ दँ तक म्वात। वया मेमेपिं नं काय्पिं व म्ह्याय्पिं बुल। 27थुकथं मतूशेलह ९६९ दँ तक म्वानाः सित।
28लेमेक १८२ दँ दुबलय् वया काय् बुल। 29वं वयागु नां “परमप्रभुं सराः ब्यूगु बँय् झीसं यानाच्वनागु ज्यापाखें थ्वं झीत छुत्कारा बी” धकाः नोआ#५:२९ नोआ हिब्रू भाषाय् थ्व खँग्वः नुगः याउँसे खँग्वः लिसे ज्वः लाः। तल। 30लेमेक मेगु ५९५ दँ म्वात। वया मेमेपिं नं काय्पिं व म्ह्याय्पिं बुल। 31थुकथं लेमेक ७७७ दँ म्वानाः सित।
32नोआ ५०० दँ दुबलय् वया शेम, हाम व येपेत#५:३२ येपेत हिब्रू भाषाय् थ्व खँग्वः यक्व दये खँग्वः लिसे ज्वः लाः। नांयापिं स्वम्ह काय् बुल।
Селектирано:
उत्पत्ति 5: NEW
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2024 Nepal Bible Society, Newa Christian
Literature Center and Wycliffe Bible Translators, Inc.