Exodus Di haga modongoohia:
Di haga modongoohia:
Telekai dela bolo Exodus dono hadinga bolo “E hagatanga gi daha”. Gei di mee deenei le e haga modongoohia nia mee hagalabagau ala i lodo di kai o digau Israel ala nogo hai hege hagahuaidu i lala digau Egypt, ga hagatanga gaa hula gi daha.
Di beebaa deenei e wwae haa:
1) Tagalohaa digau Hebrew gi daha mo di nadau noho hege,
2) di nadau hula gi di Gonduu Sinai,
3) di hagababa ne hai go God i hongo di Gonduu Sinai ang gi ana daangada, mo nia haganoho belee hai hegau ai digaula, mo
4) di hau mo di humu haga madamada o di gowaa hai daumaha digau Israel, mo di hai o nnegau o digau hai mee dabu mo nnangaahai e daumaha ang gi God.
Di mee koia e hagalabagau la go nia mee a God ne hai, gaa mee ai di hagamehede ana dama nogo mouli huaidu, gaa hai digaula gii hai digau e hai mee gi di hagadagadagagee gi di madagoaa dela digi dae mai.
Tangada hagalabagau i lodo di beebaa deenei la go Moses, tangada dela ne hilihili go God belee lahi digau Israel gi daha mo Egypt. Gei di mee koia e hagalabagau la go nia Haganoho e Madangaholu a God, dela i di mada e 20.
Di hagahonu di beebaa deenei:
Digau Israel gu maahede gi daha mo Egypt (1.1–15.21)
a. Di mouli hai hege i lodo o Egypt (1.1-22)
b. Di haanau o Moses mo dono tomo aga (2.1–4.31)
c. Moses mo Aaron e heetugi gi di king o Egypt (5.1–11.10)
d. Pasoobaa mo di hula gi daha mo Egypt (12.1–15.21)
Mai Tai Mmee adu gi di Gonduu Sinai (15.22–18.27)
Nnaganoho mono hagababa (19.1–24.18)
Di Hale laa o di Hagababa mo di aago di hai e daumaha (25.1–40.38)
Селектирано:
Exodus Di haga modongoohia:: KPG
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2014, Wycliffe Bible Translators, Inc.
© 2014 The Kapingamarangi Bible Translation Committee