3 Ездра 16
16
Бог знае сѐ
1 #
15,46; 15,12 Тешко тебе, Вавилоне и Асијо, тешко ти Египте и Сиријо! 2#2 Цар 3,31; Откр 6,12Препашете се со вреќиште и власеница, оплакувајте ги вашите синови и тажете, зашто се приближи денот на вашата погибел. 3Врз вас е испратен меч, кој ќе го отклони? 4#16,9.15Врз вас е испратен оган, кој ќе го угасне? 5Врз вас се пратени зла, кој ќе ги отстрани? 6#Ис 31,4; Ер 5,6; 3 Езд 15,61Ќе отера ли некој гладен лав во гората, ќе згасне ли за миг оган во слама, што почнал да гори? 7#Зах 9,14Ќе отфрли ли некој стрела, што е пуштена од силен стрелец! 8Силниот Господ ги испраќа бедните и кој ќе ги отстрани? 9#15,23Од неговиот гнев оган излегува, кој ќе го угасне? 10#2 Цар 22,14.15Тој со молскавица ќе болсне, кој нема да се уплаши ќе загрми ли и кој нема да затрепери? 11Господ ќе се закани, кој нема да се уплаши од Неговото лице? 12#2 Цар 22,8; Ез 38,20; Ис 2,10.19.21Се затресе земјата, и нејзините основи; морето се возбранува од своето дно; вознемирени се и брановите и рибите – од лицето на Господ и од големината на Неговата сила. 13#Пс 44,5; Мудр 5,21Зашто десницата Негова е силна, која го затегнува лакот и остри се стрелите Негови што ги испушта; нема да ослабнат кога се испуштени дури до краиштата на земјата. 14ете, зла се испраќаат, и нема да се вратат сѐ додека не дојдат на земјата. 15#15,23Пламнува оган, и нема да се изгасне, сѐ додека не ги изгори основите на земјата. 16#Зах 9,14Како стрела, исфрлена од силен стрелец, што не се враќа, така не ќе се вратат ни маките, што ќе бидат испратени на земјата. 17Тешко мене, горко мене! Кој ќе ме избави во оние дни? 18#Мт 24,8; Мк 13,8Ќе почнат болести, и многумина ќе офкаат; ќе настане глад, и многумина ќе умираат; ќе започнат војни, и страв ќе ги опфати властите; ќе почнат неволјите и сите ќе се растреперат. 19#Рим 2,9; 8,35; Авак 1,12; Јудита 8,27; 2 Мак 6,12Што ќе правам кога ќе наидат неволјите? 20ете, гладот и раната, тагата и измачувањата се испратени како бичеви за поправка. 21#1 Сол 5,3Но и покрај сето тоа, луѓето нема да се одвратат од своите беззаконија и за бичевите нема секогаш да си спомнуваат. 22Ете, на земјата ќе настане изобилство на сѐ, и ќе помислат дека настанал мир, но токму тогаш тешкотии ќе ја постигнат земјата: меч, глад и голема бркотија. 23#4 Цар 9,37Од глад ќе загинат големо множество жители на земјата, а оние што ќе преживеат од глад, ќе загинат од меч. 24Труповите ќе бидат исфрлани како ѓубре; не ќе има кој да ги оплакува, зашто земјата ќе запусти и градовите нејзини ќе бидат разурнати. 25Нема да остане кој да ја обработува и засејува земјата. 26#Ис 16,10Дрвјата ќе раѓаат овошје, но кој ќе го бере? 27Грозјето ќе узрее, но кој ќе го гмечи? Зашто насекаде ќе биде голема опустошеност. 28#Амос 5,3; Ис 2,21Тешко ќе може човек да чуе друг човек, да го чуе неговиот глас, 29#Ис 17,6; 24,13; Авд 5зашто од жителите на градот нема да останат повеќе од десет души, а во селото двајца, оние што се сокриле во густи шуми или во процепи од карпи. 30Како што во маслиновата градина некојпат оставаат на дрвјата три – четири маслинки, 31или како што во обрано лозје, оние што берат внимателно, ќе согледаат неколку несобрани грозда, 32#Ис 7,23така во оние дни ќе останат двајца или тројца, кога ќе ги претресуваат нивните куќи со меч. 33#Пс 77,63; Ер 7,34; Откр 18,23Земјата ќе запусти; нивите нејзини во плевел ќе обраснат, патиштата и сите нејзини патеки ќе обраснат со трња, зашто не ќе има кој да оди по нив. 34Моми ќе плачат, зашто не ќе имаат свршеници; жени ќе плачат зашто нема да имаат мажи; нивните ќерки ќе плачат, бидејќи не ќе има кој да им помага. 35Свршениците нивни ќе бидат убиени во војна, а мажите нивни ќе загинат од глад.
Божјиот народ треба да е подготвен за крајот
36Слуги на Господ, слушајте го ова и вразумувајте се! 37Ова е словото на Господ, примете го и не верувајте им на боговите, за кои ви рече Господ. 38#Ис 13,8; Ер 50,43; Ер 6,24; Јн 16,21; 1 Сол 5,3Еве, маките се приближија и нема да задоцнат. 39Како што бремената жена, кога на деветтиот месец ќе ѝ дојде времето да роди син, два или три часа до раѓањето нејзината утроба ја обземаат болки, а откако младенецот излезе од утробата, болките не продолжуваат ни еден миг потоа, 40#7,57; 8,39така и неволјите нема да задоцнат, за да дојдат на земјата; луѓето од тоа време ќе заофкаат; ќе ги обземат болки. 41#1 Кор 7,29-31Слушај ги овие зборови, народе мој; приготвувајте се за војна и среде неволји – бидете како туѓинци на земјата. 42#Ез 27,9Оној што продава, нека биде како да се приготвува да бега, а оној што купува како оној што се приготвува за смрт; 43трговецот – како да не очекува никаква придобивка, а оној што гради куќа – како да не се надева да живее во неа. 44Сејачот нека мисли – дека нема да жнее, а лозарот – дека нема да бере грозје. 45Оние што се женат и што се мажат – дека нема да раѓаат деца, а оние што не се женат – дека ќе бидат како вдовци. 46#5 Мојс 28,30; Амос 5,11Затоа, сите што се трудат, залудо се трудат. 47Зашто од плодовите на нивниот труд туѓинци ќе се ползуваат, нивниот имот ќе го разграбаат, куќите нивни ќе ги урнат и синовите нивни ќе ги заробат, бидејќи тие ќе ги раѓаат своите деца во ропство и во глад. 48Оние што се занимаваат со грабеж, колку подолго време ги украсуваат своите градови и своите куќи, своите имоти и своите лица, 49толку повеќе ќе ги намразам заради нивните гревови, вели Господ. 50#15,54Како блудница што мрази честита и високо морална жена, 51така и правдата ќе ја намрази неправдата, која се украсува и ќе ја обвини право в лице, кога ќе дојде Оној, Кој ќе го брани гонителот за секој грев на земјата. 52#Евр 10,37Затоа не угледувајте се на неправдата и на нејзините дела, 53#Ер 2,35; 1 Јн 1,8; Пс 139,10; Изреки 25,22зашто уште малку и неправдата ќе биде исфрлена од земјата, а правдата ќе се зацари над вас. 54#Пс 93,11; Пс 138,1-3; 1 Цар 16,7Грешникот да не вели дека тој не згрешил, зашто распалени јаглења ќе пламнат на главата на оној што говори: „Јас не сум згрешил пред Господ Бог и слава Му!“ 55#Пс 147,5; 1 Мојс 1,1Господ ги знае сите дела на луѓето и нивните замисли, помислите на нивното срце. 56#Пс 146,4Тој рече: „Нека биде земја“, и земја се појави, и „Нека биде небо“ и стана. 57#Ис 40,12Преку Неговиот збор ѕвездите се создадени; Тој го знае нивниот број. 58#Јов 38,8; Пс 103,9; Пс 23,2Тој ги гледа бездните и она што е сокриено во нив; го измерил морето и она што е во него. 59#Јов 9,8Преку Својот збор Тој го затвори морето и земјата ја постави да лебди над водите. 60#Пс 106,35Тој го рашири небото како шатор, го основа врз води. 61#1 Мојс 2,7Тој создаде во пустините водни извори и езера – на горските височини, за да течат реките од високи карпи, та да ја напојуваат земјата. 62Тој го создаде човекот и срцето му го стави среде неговото тело; во него вложи дух, живот и разум, 63#1 Цар 16,7; Изреки 28,13и дишењето е од Сесилниот Бог, Кој создал сѐ и гледа сѐ што е сокриено во земните скривалишта. 64Тој ја знае вашата намера, знае што мислите во вашите срца, кога грешите и сакате да ги сокриете вашите гревови. 65#1 Кор 4,5; Ер 2,19Затоа Господ сосема јасно ги гледа сите ваши дела и сите ќе ве изобличи; 66#Мт 25,31; Лк 12,8.9; Откр 3,5ќе бидете посрамени кога вашите гревови ќе бидат откриени пред луѓето; вашите беззаконија ќе застанат како обвинители во оној ден. 67#16,74Што ќе направите и како ќе ги сокриете вашите гревови пред Бога и пред Неговите ангели? 68#2 Мак 6,7; Дела 15,29; 1 Кор 8,10; 10,20; Откр 2,14.20Ете, Бог е Судија, од Него плашете се; оставете ги вашите гревови и засекогаш престанете да вршите беззаконија, и Бог ќе ве изведе и ќе ве избави од секоја мака. 69Зашто, ете, против вас ќе се разгори јароста на многубројните војски, и ќе се фатат неколкумина од вас и ќе ве заколат за жртвен принос на идолите. 70Оние, што ќе бидат нивни едномисленици, ќе ги изложат на подбив, на бесчестие и на понижување. 71Бидејќи во сите места и во соседните градови многумина ќе станат против оние што имаат страв од Господ; 72ќе бидат избезумени, ќе разграбуваат не штедејќи никого и ќе опустошуваат сѐ што има кај оние кои се плашат од Господ; 73#Изреки 17,3; Мудр 3,6; Сир 2,5; 1 Птр 1,7ќе го опустошат и ќе го разграбат нивниот имот и ќе ги изгонат од нивните домови. 74#16,67Тогаш ќе настане искушение за Моите избраници, како злато што се проверува преку оган. 75#Пс 47,14Слушајте возљубени Мои, Господ говори: ете, пред вас стојат денови на жалост, а од нив Јас ќе ве избавам. 76#Пс 37,4Не плашете се и не сомневајте се, зашто Бог е вашиот водач. 77#Изреки 22,5; Ос 2,6Ако ги исполнувате Моите заповеди и повелби, вели Господ Бог, вашите гревови нема да бидат товар, под кој ќе бидете притиснати и беззаконијата ваши нема да ве победат. 78#Евр 6,8Тешко им на оние, кои се врзани со своите гревови и покриени со своите беззаконија! 79Тоа е нива обрасната со грмушки, низ која патот е покриен со трња, така што не може човек да помине; таа се напушта и му се предава на огнот да ја исчисти.
Селектирано:
3 Ездра 16: MK2006D
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© Библиско Здружение на Р. Македонија 2006
© Bible Society of the Republic of Macedonia 2006