Популарни Библиски стихови од Jn 1

Сподели

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Da'me 'uaechiñe joca'li, joote 'uo ñe'me jo'ne 'naqatac; nataq'aen ñe'me jo'ne 'naqatac joote ne'tajop joñe'me Dios, nataq'aen da'me nach'eñe joñe'me Dios.

Da'me dojo' lauaq da'me necoyadaĝanaĝat en yoqochiñe q'aen ga'me 'lalaĝa, qama'le da'me 'lalaĝa ja yaqanatet ta'le 'yomaĝat da'me yoqochiñe.

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Qama'le nach'eñe q'aen da'me en chiyaqayi yema da'me male yauo'oe ena'uaque naa'me 'lonataqa jo'ne e'n di'yo'quena joñe'me Dios. Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

Joñe'me jo'ne 'naqatac joote ue'ta jena'me aleua, choqoda'me mate mane'e nach'eñe jo'ne Dios en chiyaqayi joca'li da'me male ye'et jena'me aleua, qalaĝaja gaa'me aleua laje'pi ja yateto'n joñe'me. Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.