Популарни Библиски стихови од Matthew 28

Сподели

fareð witodlice ⁊læreð ealle þeode ⁊fullieð hyo. on naman fæder ⁊sune ⁊þas halgen gastes. ⁊læreð þæt hyo healden ealle þa þing. þe ich eow bebead ⁊ich beo mid eow ealle dages oððe worulde ændenge. Amen.

Ða geneohlacte se hælend ænd spræc to heom þas þing ⁊þus cwæð. Me ys geseald ælch anweald on heofena ⁊on eorðan.

Ða andswerede se ængel ⁊sayde þam wifon. Ne ondræde ge eow. Ic wat witodlice þæt ge secheð þanne hælend. þane þe on roden ahangen wæs. Nis he her. He aras gewislice swa swa he sæigde. Cumeð ⁊geseoð. þa stowe þe se hælend wæs on aleigd.

Ða cwæð se hælend to heom. Ne ondræde ge eow. fareð ⁊kyðeð mine gebroðre þæt hyo faran on galilea. þær hyo geseoð me.

Þa gesamnode þa ealdres hyo ⁊worhten gemot ⁊sealden þam þeignen. mychel feoh ⁊cwæðen. Seggeð þæt hys leorningcnihtes coman nyhtas ⁊forstælen hyne þa we slepen. Ænd gyf se dema þis geaxoð. we læreð hyne ⁊gedoð eow sorhlease. Ða onfengen hyo þas feos ⁊dyden ealswa hyo gelærde wæren ⁊þis word wæs gewidmærsod mid iudeam oðð þisne andwearden dayg.